Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

չորեքշաբթի, 11 հուլիսի 2007


ՀՀ վարչապետ Սերժ Սարգսյանն այսօր ընդունել է Հայաստանում Ղազախստանի Հանրապետության արտակարգ և լիազոր դեսպան Այիմդոս Բոզժիգիտովին:


Հանդիպման սկզբում վարչապետը նախ շնորհավորել է Հայաստանում Ղազախստանի Հանրապետության դեսպանատան բացման կապակցությամբ, որի արարողությունը նախատեսված է վաղը և հույս հայտնել, որ երկու երկրների դիվանագիտական ներկայացուցչությունների ակտիվ աշխատանքը նոր խթան կհանդիսանա ու կնպաստի Հայաստանի և Ղազախստանի միջև հարաբերությունների առավել ամրապնդմանը: Դեսպան Բոզժիգիտովը նշել է, որ համագործակցության լայն հնարավորություններ և հետաքրքիր ու փոխշահավետ նախագծեր կան, որոնց վերաբերյալ արդեն որոշակի քննարկումներ է ունեցել նաև Հայաստանի և Ղազախստանի միջև տնտեսական համագործակցության միջկառավարական հանձնաժողովի հայկական կողմի համանախագահի հետ:


Ղազախստանի դեսպանը, հանդիպման պատեհ առիթն օգտագործելով, Սերժ Սարգսյանին է հանձնել իր երկրի վարչապետ Կարիմ Մասիմովի շնորհավորական ուղերձը՝ ՀՀ վարչապետ նշանակվելու կապակցությամբ, որտեղ Ղազախստանի վարչապետը համոզվածություն է հայտնում, որ հարաբերությունների հետագա զարգացումը՝ հիմնված փոխըմբռնման և փոխշահավետ համագործակցության վրա, այսուհետ ևս կնպաստի երկու երկրների և ժողովուրդների բարգավաճմանը:


ՀՀ վարչապետի հետ հանդիպման ընթացքում դեսպան Այիմդոս Բոզժիգիտովը խոսել է նաև Ղազախստանի մոտ 25 հազարանոց հայկական համայնքի մասին, ընդգծելով, որ այն ևս հայ-ղազախական հարաբերությունների ամրապնդման ու փոխգործակցության զարգացման զգալի ներուժ է: Զրուցակիցները կարևորել են միջազգային տարբեր կազմակերպությունների շրջանակներում Հայաստանի և Ղազախստանի համագործակցությունը ևս:


Նշելով, որ ս.թ. օգոստոսին Ղազախստանում տեղի են ունենալու արտահերթ խորհրդարանական ընտրություններ, դեսպանն ընդգծել է, թե միջազգային դիտորդական առաքելությունների և Հայաստանում դիվանագիտական ներկայացուցչությունների իր գործընկերների բարձր գնահատականին արժանացած Հայաստանի խորհրդարանական ընտրությունների փորձի ուսումնասիրումը կարող է շատ օգտակար լինել Ղազախստանի համար:


Հանդիպման ավարտին վարչապետը հաջողություններ է մաղթել դեսպան Այիմդոս Բոզժիգիտովին՝ վերահաստատելով ՀՀ կառավարության պատրաստակամությունը՝ ջանքերը նպատակաուղղելու ի նպաստ երկու երկրների և ժողովուրդների բարեկամության ամրապնդմանն ու հարաբերությունների առավել սերտացմանը:

Հունիս 2024
ԵրկԵրքՉրքՀնգՈւրՇբթԿրկ
 12
3456789
10111213141516
17181920212223
24252627282930

-

Արխիվ