Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երեքշաբթի, 26 հունիսի 2007


ՀՀ վարչապետ Սերժ Սարգսյանն այսօր ընդունել է Ամերիկայի հայ օգնության ֆոնդի պատվիրակությանը, որը գլխավորում է Հայ առաքելական եկեղեցու ԱՄՆ Արևելյան թեմի առաջնորդ, ՀՕՖ-ի նախագահ Խաժակ արքեպիսկոպոս Պարսամյանը: Հանդիպմանը մասնակցում էր նաև Արարատյան հայրապետական թեմի առաջնորդական փոխանորդ Նավասարդ արքեպիսկոպոս Կճոյանը:


Վարչապետը, ողջունելով բավականին ներկայացուցչական կազմով Հայաստան ժամանած պատվիրակության անդամներին, նշել է, որ ՀՀ անկախացումից ի վեր տարբեր տարիների ի պաշտոնե անձամբ սերտորեն և արդյունավետորեն համագործակցել է Հայ օգնության ֆոնդի հետ և ՀՀ վարչապետի պաշտոնում ևս ակնկալում է սերտ փոխգործակցություն՝ ի նպաստ մեր պետության և ժողովրդի հետագա զարգացման, հզորացման ու բարեկեցության ապահովման:


Հյուրերի խնդրանքով Սերժ Սարգսյանը ներկայացրել է ՀՀ կառավարության առաջիկա ծրագրերը, գերակայությունները և դրանց շրջանակներում ՀՕՖ-ի հետ համագործակցության պատկերացումներն ու ակնկալիքները: Վարչապետն ընդգծել է, որ եկել է զարգացման ծրագրերի շուրջ համագործակցելու ժամանակը: ՀՀ կառավարության ղեկավարը կարևորել է պետության հնարավորություններով և տարբեր կազմակերպությունների միջոցներով իրականացվող ծրագրերի համադրմամբ համակարգված աշխատանքը, ինչը թույլ կտա ավելի արդյունավետ տնօրինել եղած հնարավորություններն ու չփոշիացնելով ուժերը՝ լուծել առկա խնդիրները:


ՀՕՖ-ի պատվիրակության անդամները շնորհակալություն հայտնելով ջերմ ընդունելության համար և շնորհավորելով վարչապետին՝ նշանակման կապակցությամբ, փոխադարձաբար պատրաստակամություն են հայտնել շարունակելու Հայաստանի զորացմանը, զարգացմանն ու առաջընթացին ուղղված ֆոնդի առաքելությունը և այդ նպատակով՝ աջակցությունը ՀՀ իշխանություններին: Նրանք գոհունակությամբ են նշել, որ ՀՕՖ-ի մոտեցումները միանգամայն համահունչ են ՀՀ կառավարության առաջնահերթություններին ու գերակայություններին, որոնց մասին հանդիպման ժամանակ խոսեց վարչապետը:


ՀՕՖ-ի նախագահ, Հայ առաքելական եկեղեցու ԱՄՆ Արևելյան թեմի առաջնորդ Խաժակ արքեպիսկոպոս Պարսամյանը վարչապետին տեղեկացրել է, որ պատվիրակությունը հայրենիք է ժամանել նաև մասնակցելու Երևանում ՀՕՖ-ի գործունեության համար տրամադրված նոր շենքի բացման արարողությանը և շնորհակալություն է հայտնել շենքի տրամադրման հարցում աջակցության համար: ՀՕՖ-ի գործադիր տնօրեն Գառնիկ Նանագուլյանի հավաստմամբ, հայաստանյան այցի ավարտին իրենք նախատեսում են քննարկել ֆոնդի զարգացման առաջիկա 10 տարիների ծրագրերը ևս, և մտադիր են ՀՕՖ-ի գործունեությունն այսուհետ նպատակաուղղել դեպի զարգացման ծրագրերը:


Հանդիպման ավարտին ՀՀ վարչապետը ՀՕՖ-ի պատվո ատենապետ և հիմնադիր, «Հովնանյան Էնթերփրայզիս» ընկերության հիմնադիր-նախագահ Գևորգ Հովնանյանին պարգևատրել է ՀՀ վարչապետի հուշամեդալով՝ Հայկական պետականության կայացման գործում ակտիվ մասնակցության համար:

Օգոստոս 2019
ԵրկԵրքՉրքՀնգՈւրՇբթԿրկ
 1234
567891011
12131415161718
19202122232425
262728293031 

-

Արխիվ