Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

ուրբաթ, 6 ապրիլի 2007


ՀՀ վարչապետի պաշտոնում Սերժ Սարգսյանի նշանակման կապակցությամբ Մայր Աթոռ Սուրբ Էջմիածնից իր Հայրապետական օրհնությունն է բերել և շնորհավորել Ամենայն Հայոց Կաթողիկոս Գարեգին Բ-ն:


Վեհափառ Հայրապետի շնորհավորական խոսքում մասնավորապես ասված է. «Հայրենի մեր պետության վերահաստատման սրբազան գործին Դուք նվիրվեցիք Արցախյան հերոսական պայքարի օրերից և Ձեր անմնացորդ ջանքերը բերեցիք Արցախի ազատագրությանը և նորանկախ Հայաստանում պետականության ամրապնդմանը: Մեր ժողովրդին ու Հայրենիքին ծառայության Ձեր նվիրումն ու նախանձախնդրությունը դրսևորվեցին Արցախում և Հայաստանում Ձեր ստանձնած պետական բարձր պաշտոններում: Գնահատելի է Ձեր ազնիվ ավանդը, որ բերել եք Հայոց Բանակի լիարժեք կազմակերպման ու զորացման գործին, հեղինակությանն ու փառքին:


Մաղթում ենք, որ Հայաստանի Հանրապետության Վարչապետի բարձր պաշտոնում Ձեր փորձառությունն ու կարողությունները և առ Հայրենին Ձեր աննվազ սերը արգասավորվեն նոր ձեռքբերումներով՝ հանուն մեր Հայրենիքի հզորության ու առաջընթացի և համայն մեր ժողովրդի բարօրության ու արդար հույսերի մարմնավորման:


Իջման Սուրբ Սեղանի առջև աղոթք ենք բարձրացնում երկինք, որ Փրկիչ մեր Տերը խաղաղության Իր շնորհի ներքո պահպանի մեր Հայրենիքը և ի սփյուռս աշխարհի մեր ժողովրդին, պարգևի Ձեզ քաջառողջ կյանքի երկար օրեր և օրհնի Ձեր ջանքերը Վարչապետի կոչման ու պատասխանատվության մեջ»:


ՀՀ վարչապետ նշանակվելու կապակցությամբ Սերժ Սարգսյանին շնորհավորել է նաև Մեծի Տանն Կիլիկիո Արամ. Ա. Կաթողիկոսը.


«Սիրելի Պրն. Սարգսյան,


Անհուն ուրախությամբ կողջունենք Ձեր նշանակումը որպես Վարչապետ Հայաստանի Հանրապետության:


Մենք անձնապես մոտեն ծանոթ ենք Ձեզ և Ձեր մեջ տեսած Հայաստանի Հանրապետության ու մեր ժողովուրդին նվիրյալ անձը: Արդարև, Դուք աշխատունակ ոգիով և ծրագրված ու հետևողական կերպով կատարեցիք Ձեզի հանձնված պետական բոլոր պարտավորությունները: Վստահ ենք, որ նույն նախանձախնդրությամբ ու նվիրումով պիտի կատարեք Ձեզի վստահված այս նոր առաքելությունը՝ գործակցաբար Հայաստանի Հանրապետության նախագահին՝ Նորին Վսեմություն Ռոբերտ Քոչարյանին:


Այս առթիվ կվստահեցնենք Ձեզ, որ Մեծի Տանն Կիլիկիո Կաթողիկոսությունը պիտի շարունակե իր անսակարկ ու ամբողջական զորակցությունը Հայաստանի պետության՝ հօգուտ մեր հայրենիքին ու հայրենի մեր ժողովուրդին:


Կաղոթենք առ Ամենաբարին Աստված, որ Ձեզի շնորհե քաջառողջություն և վերանորոգ կամք՝ ծառայելու Հայաստանի Հանրապետության ու առավել ևս ամրացնելու անոր դիրքը միջազգային մակարդակի վրա»:



ՀՀ վարչապետի պաշտոնում նշանակման կապակցությամբ Սերժ Սարգսյանին շնորհավորել են Մեծ Բրիտանիայի վարչապետ Թոնի Բլերը, Եվրոպական հանձնաժողովի նախագահ Ժոզե Մանուել Բարոսոն, Ռուսաստանի Դաշնության վարչապետ Միխայիլ Ֆրադկովը, ՌԴ հաշվիչ պալատի նախագահ Սերգեյ Ստեպաշինը:

****


Հարգելի Վարչապետ,


Եվրոպական հանձնաժողովի անունից կցանկանայի փոխանցել իմ շնորհավորանքները Հայաստանի Հանրապետության վարչապետի պաշտոնում Ձեր նշանակման կապակցությամբ։


Եվրոպական հանձնաժողովն ակնկալում է Ձեր երկրի հետ ներդաշնակ և ամուր հարաբերությունների զարգացման շարունակականություն, մասնավորապես ԵՀ-Հայաստան գործընկերության ու համագործակցության համաձայնագրի ամբողջական իրականացման ու Եվրոպական հարևանության քաղաքականության գործողությունների ծրագրի միջոցով։


Ձեր կառավարությունն իր առաջ ունի քաղաքական ու տնտեսական բարեփոխումների իրականացման կարևոր օրակարգ։ Այն ներառում է ժողովրդավարական գործընթացի շարունակություն և տարբեր քաղաքական ուժերի ու քաղաքացիական հասարակության միջև երկխոսություն։


Արտաքին հարաբերություններում, իհարկե, մեծ մարտահրավեր է Լեռնային Ղարաբաղի հակամարտության խաղաղ կարգավորմանն ուղղված ջանքերի շարունակականությունը։ Հանձնաժողովն այս հարցում պատրաստ է աջակցել Ձեր երկրին ու ԵԱՀԿ Մինսկի խմբին։


Ես կցանկանայի նշել, որ Եվրոպական հանձնաժողովն ամբողջությամբ պատրաստ է աջակցել Հայաստանին՝ իր զարգացման այս կարևոր պահին։


Եվրոպական հանձնաժողովը պատրաստ է աջակցել Ձեր ջանքերին՝ կառուցելու բարգավաճ պետություն, հարգելու մարդու իրավունքները և օրենքի իշխանությունը, միաժամանակ, իրականացնելու հաջող տնտեսական ու հասարակական զարգացման քաղաքականություն։


Այս համատեքստում, հուսով եմ, որ Ձեր կառավարությունը կկարողանա ավելի խորացնել ժողովրդավարությունը, մասնավորապես, ապահովելով ընտրական գործընթացի կազմակերպումը՝ ժողովրդավարական ընտրությունների ԵԱՀԿ և այլ միջազգային չափորոշիչներին համապատասխան։


Ես հավաստում եմ իմ անձնական հետաքրքրությունն այս կարևոր հանձնառությունում:


Ժոզե Մանուել Բարոսո


****


Ես շնորհավորում եմ Ձեր նշանակումը Հայաստանի Հանրապետության վարչապետի պաշտոնում և ակնկալում եմ մեր երկու երկրների միջև կապերի հետագա ամրապնդում:


Թոնի Բլեր


****


Հարգելի Սերժ Ազատի,


Ընդունեք իմ անկեղծ շնորհավորանքները՝ ՀՀ վարչապետի բարձր պաշտոնում նշանակվելու կապակցությամբ:


Ռուս-հայկական բազմակողմանի հարաբերությունները, որոնք վստահորեն բարձրացել են մինչև դաշնակցային գործընկերության մակարդակը, վերջին շրջանում լրացուցիչ դինամիկ զարգացում են ստացել: Ամրապնդվում են մեր քաղաքական կապերը փոխշահավետ հիմքի վրա, հետևողականորեն աճում են առևտրատնտեսական համագործակցության ծավալները, կատարելագործվում են հումանիտար շփումները: Երկկողմ փոխգործակցությունը դառնում է առավել հավասարակշռված ու ներդաշնակ:


Մենք Ձեզ գործնականում ճանաչում ենք որպես ռուս-հայկական գործընկերության հետագա խորացման հետևողական կողմնակցի, ով մեծ ներդրում ունի մեր երկրների միջև ռազմաքաղաքական և տնտեսական համագործակցության գործում: Հուսով ենք, որ ռուս-հայկական կապերի բազմակողմանի զարգացմանն ուղղված Ձեր բեղմնավոր գործունեությունը կշարունակվի ՀՀ վարչապետի պաշտոնում:


Ընդունեք հաջողությունների մեր մաղթանքները Ձեր աշխատանքում՝ ի շահ Հայաստանի ժողովրդի և ռուս-հայկական ավանդական բարեկամական հարաբերությունների:


Միխայիլ Ֆրադկով

****


Հարգելի Սերժ Սարգսյան,


Մեծ գոհունակությամբ ընդունեցի ՀՀ վարչապետի պաշտոնում Ձեր նշանակման լուրը: Շատ տարիներ ճանաչելով Ձեզ՝ որպես պետական գործչի, նվիրված հայրենասերի, այդ նշանակման մեջ ես տեսնում եմ Հայաստանի անկախության վերականգնման դժվարին տարիներին սեփական ժողովրդին անմնացորդ նվիրումի ճանապարհին ունեցած Ձեր գործունեության արժանի գնահատությունը:


Ջերմորեն հիշելով մեր հանդիպումները հայոց հյուրընկալ հողում, ամբողջ հոգով շնորհավորում եմ Ձեզ բարձր նշանակման առթիվ: Մաղթում եմ իմաստնություն, համբերություն, քաջառողջություն և մեծ հաջողություններ պետական այդ բարձր պաշտոնում Ձեր գործունեության մեջ: Վստահ եմ, որ այն բազմակողմանի համագործակցությունը, որ վերջին տարիներին ձևավորվել ու ամրապնդվել է Հայաստանի և Ռուսաստանի միջև, կշարունակի վերընթաց զարգանալ՝ ի շահ մեր երկու երկրների ժողովուրդների:


Սերգեյ Ստեպաշին


 

Հունիս 2024
ԵրկԵրքՉրքՀնգՈւրՇբթԿրկ
 12
3456789
10111213141516
17181920212223
24252627282930

-

Արխիվ