Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երեքշաբթի, 20 փետրվարի 2007


ՀՀ վարչապետ Անդրանիկ Մարգարյանն այսօր ընդունել է Գերմանիայի Դաշնային Հանրապետության արտաքին գործերի նախարար Ֆրանկ-Վալտեր Շտայնմայերին և նրա գլխավորած պատվիրակությանը:


Գոհունակությամբ նշելով երկու պետությունների միջև քաղաքական երկխոսության ակտիվացումը, վարչապետն ընդգծել է, որ դրան զգալիորեն նպաստել են նաև բարձր մակարդակի փոխայցելությունները, որոնք վերջին տարիներին հաճախակի են դարձել: Անդրանիկ Մարգարյանը վստահություն է հայտնել, որ Գերմանիայի արտգործնախարարի այս այցը ևս որոշակի խթան կհանդիսանա ինչպես երկկողմ, այնպես էլ Եվրամիության «նոր հարևանության քաղաքականության» (ԵՀՔ) շրջանակներում Գերմանիայի հետ մեր երկրի համագործակցության հետագա զարգացման համար: Ըստ վարչապետի, Գերմանիան՝ որպես ԵՄ ներկայիս նախագահող երկիր, ինչպես նաև Եվրամիության խոշորագույն դոնոր երկրներից մեկը, կարող է նշանակալի ավանդ ունենալ 2006թ. նոյեմբերին հաստատված ԵՄ-Հայաստան Գործողությունների ծրագրի իրականացման գործում: Նա ողջունել է Եվրոպական հարևանության քաղաքականությամբ նախատեսվող ԵՄ դերի մեծացման միտումը հարևան արևելյան, հետխորհրդային երկրներում՝ հատկապես տնտեսական ու առևտրային կապերի խորացման ոլորտում:


Անդրանիկ Մարգարյանը գոհունակությամբ նշել է նաև վերջին տարիներին Հայաստանի և Գերմանիայի միջև առետրատնտեսական հարաբերությունների ակտիվացման փաստը, մասնավորապես, տեղեկատվական տեխնոլոգիաների, հանքարդյունաբերության և այլ բնագավառներում: Նա ընդգծել է, որ Գերմանիան ներկայումս ԱՄՆ-ից հետո երկրորդ խոշոր դոնոր երկիրն է Հայաստանում, որտեղ գրանցված են գերմանական կապիտալի մասնակցությամբ ավելի քան վեց տասնյակ ձեռնարկություններ: Տնտեսական համագործակցության խթանման գործում վարչապետը բարձր է գնահատել հայ-գերմանական միջկառավարական հանձնաժողովի աշխատանքը: Փոխգործակցության խորացման համար հեռանակարային համարելով նաև էներգետիկայի, համայնքային զարգացման, ֆինանսա-բանկային և այլ բնագավառները, նա հավաստել է, որ Հայաստանը պատրաստ է այսուհետ ևս շարունակել ջանքերը գործարար համաժողովների կազմակերպման, առևտրատնտեսական ոլորտում երկու երկրներում գործող համապատասխան կառույցների միջև համագործակցության ընդլայնման, գերմանական գործարարների շրջանում Հայաստանի ներդրումային միջավայրի նկատմամբ վստահության ամրապնդման ուղղությամբ:


Շնորհակալություն հայտնելով ջերմ ընդունելության համար, պարոն Շտայնմայերը ևս ընդգծել է, որ Հայաստանի ու Գերմանիայի միջև հարաբերությունները ներկայումս կայուն զարգացում են ապրում, Հայաստանի անկախացումից ի վեր Գերմանիան օժանդակել է և այսուհետ ևս շարունակելու է օժանդակությունը Հայաստանին: Միաժամանակ, ըստ նրա, հատկապես տնտեսական համագործակցության բնագավառում երկու կողմերի ներուժը դեռևս սպառված չէ: Նշելով, որ տնտեսության մեջ կան ոլորտներ, որտեղ կարելի է փոխշահավետ գործակցություն հաստատել ու զարգացնել, արտգործնախարարը հավաստել է, որ գերմանական կողմը ևս ամեն ջանք կգործադրի Հայաստանի ներդրումային դաշտին ու մթնոլորտին գերմանական ներդրողներին ավելի մոտիկից ծանոթացնելու համար:


Հանդիպման ընթացքում կողմերը քննարկել են նաև տարածաշրջանային համագործակցության խնդիրներ: Անդրանիկ Մարգարյանը և Ֆրանկ-Վալտեր Շտայնմայերը համակարծիք են եղել այն հարցում, որ տարածաշրջանային փոխգործակցության խթանումը զգալիորեն կնպաստի նաև առանձին երկրներում ընթացող ժողովրդավարացման, տնտեսական ինտեգրման գործընթացների զարգացմանը, տարածաշրջանային անվտանգության և կայունության հաստատմանը: Անդրադարձ է եղել հարևան երկրների, այդ թվում՝ Իրանի, Թուրքիայի հետ Հայաստանի հարաբերություններին, ղարաբաղյան հակամարտության կարգավորմանը: Գերմանիայի արտգործնախարարը հույս է հայտնել, որ Հայաստանն ու Ադրբեջանը կկարողանան անհրաժեշտ կամք դրսևորել հակամարտության խաղաղ կարգավորմանն ուղղված բանակցություններն արդյունավետ հանգրվանի հասցնելու համար՝ նշելով, որ իր կարծիքով, Հայաստանում այդ քաղաքական կամքը կա:


 

Դեկտեմբեր 2023
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ