Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

չորեքշաբթի, 20 սեպտեմբերի 2006

ՀՀ վարչապետ Անդրանիկ Մարգարյանի ողջույնի խոսքը Ինովացիոն տեղեկատվական և հեռահաղորդակցության տեխնոլոգիաների միջազգային կոնֆերանսի բացմանը


Կոնֆերանսի հարգարժան մասնակիցներ



         Թույլ տվեք Հայաստանի Հանրապետության կառավարության և իմ անունից ողջունել ձեզ` Հայաստան-Սփյուռք համահայկական երկրորդ Տնտեսական Համաժողովի շրջանակում կազմակերպված Ինովացիոն տեղեկատվական և հեռահաղորդակցության տեխնոլոգիաների միջազգային այս կոնֆերանսի անցկացման կապակցությամբ:


Կարևորելով տեղեկատվական և հեռահաղորդակցության տեխնոլոգիաների (ՏՀՏ) ոլորտի դերը մեր երկրի տնտեսության զարգացման գործում, Հայաստանի կառավարությունը 2000 թվականից այն ճանաչել է տնտեսության զարգացման գերակա ուղղություններից մեկը և հետևողական ու համակողմանի աշխատանքներ է իրականացնում ոլորտում կայուն աճ ու զարգացում ապահովելու համար: 2001 թվականին ՀՀ վարչապետին կից ստեղծվել է Տեղեկատվական տեխնոլոգիաների զարգացմանն աջակցող խորհուրդ, որտեղ առավելապես քննարկվում են ռազմավարական, օրենսդրական և տեղեկատվական հասարակության ձևավորմանն առնչվող հիմնարար հարցեր:


ՀՀ կառավարության և մասնավոր հատվածի համատեղ ջանքերի արդյունքում վերջին շրջանում Հայաստանում էապես աճել է ներդրումների ծավալը տեղեկատվական տեխնոլոգիաների ոլորտում, ՀՆԱ-ի մեջ ոլորտի արտադրանքի կշիռը կազմել է 1.7 տոկոս: Նոր կրթական և ուսուցողական ծրագրեր են ներդրվել դպրոցներում և բուհերում, ինչպես նաև ստեղծվել են տարածաշրջանային նշանակություն ունեցող ուսումնական կենտրոններ: Այս ամենը վկայում է, որ Հայաստանը բավարար ներուժ ունի տեղեկատվական տեխնոլոգիաների ոլորտի տարածաշրջանային կենտրոն դառնալու համար:


Հայկական տեղեկատվական տեխնոլոգիաների ոլորտը գնալով ավելի ու ավելի լայնորեն ու արդյունավետորեն է ներկայացվում միջազգային ասպարեզում: Արդեն ավանդական են դառնում նաև Երևանում "Digitec" ամենամյա միջազգային ՏՀՏ ցուցահանդեսները:


Հաշվի առնելով ոլորտի զարգացման միտումները` որոշում ընդունվեց 2006-ի սեպտեմբերի 15-ից մինչև հոկտեմբերի 15-ը անցկացնել «Տեղեկատվական տեխնոլոգիաների ամիս» խորագրով միջոցառումներ, որոնց նպատակն է խթանել տեղեկատվական հասարակության ձևավորումը Հայաստանում, բարձրացնել հայկական տեղեկատվական տեխնոլոգիաների ոլորտի վարկանիշը և ներկայացնել առկա նվաճումները, աջակցել և խրախուսել օտարերկրյա և հայկական ընկերությունների ներդրումային գործունեությունը տեղեկատվական տեխնոլոգիաների ոլորտում, ինչպես նաև օժանդակել ոլորտի ընկերություններին և մասնագետներին համապատասխան գործընկերներ և շուկաներ գտնելու հարցում: Վստահ եմ, որ այդ միջոցառումների արդյունքները տեսանելի կլինեն արդեն մոտ ապագայում:


Առանձնապես կարևոր եմ համարում նաև Հայաստան- Սփյուռք արդյունավետ համագործակցությունը տեղեկատվական տեխնոլոգիաների ոլորտում: Հայաստանում գործող ոլորտի ընկերությունների կայացման մեջ Սփյուռքի մեր հայրենակիցներն ունեցել են անմիջական և գործուն մասնակցություն: Կարծում եմ, այդ համագործակցությունը այսուհետ ևս կշարունակվի, կդառնա ավելի համակողմանի:


Հաջողություն եմ մաղթում կոնֆերանսի աշխատանքներին: Հուսով եմ, որ այն հնարավորություն կընձեռի բոլոր մասնակիցներին` ծանոթանալու տեղեկատվական տեխնոլոգիաների զարգացման արդի միտումներին, նորություններ փոխանակելու, ինչպես նաև գործնական առաջարկներ ներկայացնելու մեր երկրում տեղեկատվական և հեռահաղորդակցության տեխնոլոգիաների հետագա առաջընթացն ապահովելու նպատակով:

Օգոստոս 2020
ԵրկԵրքՉրքՀնգՈւրՇբթԿրկ
 12
3456789
10111213141516
17181920212223
24252627282930
31 

-

Արխիվ