Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երեքշաբթի, 14 փետրվարի 2006

 


ՀՀ վարչապետ Անդրանիկ Մարգարյանն այսօր ընդունել է Իրանի Իսլամական Հանրապետության արտաքին գործերի նախարար Մանուչեհր Մոթթաքիին և նրա գլխավորած պատվիրակությանը:


Վարչապետը շնորհավորել է պարոն Մոթթաքիին Իրանի իսլամական հեղափոխության հաղթանակի 27-րդ տարեդարձի կապակցությամբ, գոհունակություն հայտնելով, որ Հայաստանի և Իրանի միջև հաստատված պատմական ավանդույթներին համապատասխան, բազմաբնույթ ու փոխշահավետ համագործակցությունը հաջողությամբ շարունակվում է Իրանի նոր կառավարության ձևավորումից հետո ևս: Ըստ նրա, այդ են վկայում նաև երկու երկրների բարձրաստիճան պաշտոնյաների հաճախակի փոխայցելություններն ու հանդիպումները, արտաքին գործերի նախարարությունների միջև գործնական կապերի զարգացումը: Համագործակցության խթանումը, ըստ վարչապետի, բխում է ոչ միայն Հայաստանի և Իրանի շահերից, այլև նպաստավոր է ամբողջ տարածաշրջանի համար: Հայաստանի կառավարության ղեկավարի կարծիքով, մասնավորապես, Հայաստանի և Ադրբեջանի նկատմամբ Իրանի հավասարակշռված քաղաքականությունը որոշակի դեր է խաղում տարածաշրջանում կայունության և խաղաղության ապահովման գործում:


Անդրադառնալով արտաքին հարաբերությունների ասպարեզում Հայաստանի որդեգրած քաղաքականությանն ու ընթացող զարգացումներին, վարչապետը, հավաստիացրել է, որ դրանք չեն կարող վնասել Հայաստան-Իրան համագործակցությանը: Անդրանիկ Մարգարյանը մտահոգություն է արտահայտել վերջին շրջանում լարված Իրան-միջազգային հանրություն իրավիճակի առնչությամբ, հույս հայտնելով, որ առկա հարցերի լուծումը հնարավոր կլինի գտնել միջազգային նորմերի շրջանակներում՝ բանակցությունների ճանապարհով:


Պարոն Մոթթաքին, իր հերթին, նշել է, որ Հայաստանի զարգացումն ու բարգավաճումը բխում է նաև Իրանի շահերից: Նրա կարծիքով, այդ բանի վկայություններից է նաև այն, որ չնայած վերջին տարիներին տարածաշրջանում տեղի ունեցած վայրիվերումներին, հայ-իրանական հարաբերությունների զարգացումն ընթացել է կայուն հունով: Դիվանագետը նշել է, որ իր երկրի նախագահի և կառավարության որոշմամբ այսուհետ Իրանի արտգործնախարարությունն ավելի մեծ դերակատարություն է ունենալու այլ երկրների, այդ թվում նաև Հայաստանի հետ ստեղծված միջկառավարական հանձնաժողովներում, ինչը, ըստ, նրա, կնպաստի կայացված որոշումների նկատմամբ հետևողականությանն ու առավել արագ իրականացմանը:



Հանդիպման ժամանակ կողմերն անդրադարձել են նաև երկկողմ առևտրատնտեսական հարաբերություններին: Վարչապետը կարևորել է Հայ-իրանական տնտեսական կապերի միջկառավարական հանձնաժողովի գործունեությունը՝ գոհունակությամբ նշելով, մասնավորապես, հանձնաժողովի վերջերս կայացած հերթական՝ 6-րդ նիստի արդյունավետությունը: Նա հույս է հայտնել, որ ընդունված որոշումների ու ձեռք բերված պայմանավորվածությունների շրջանակներում կարվեն նաև գործնական քայլեր՝ դրանց շուտափույթ իրականացման նպատակով: Համագործակցության փոխշահավետ ծրագրերի իրագործման համար առավել հեռանկարային ոլորտների թվում Անդրանիկ Մարգարյանը և Մանուչեհր Մոթթաքին նշել են, մասնավորապես, էներգետիկայի, տրանսպորտի, գյուղատնտեսության, կրթության, մշակույթի բնագավառները: Պարոն Մոթթաքին հավաստել է իրանական ընկերությունների պատրաստակամությունը՝ Հայաստանում լուրջ ներդրումներ կատարելու նաև արդյունաբերության, կապիտալ շինարարության ոլորտներում:


Զրուցակիցները վերջին տարիների կարևոր ձեռքբերումներից են համարել երկու երկրների միջև ծավալված միջմարզային համագործակցության ակտիվացումը ևս:


 


 

Հունիս 2024
ԵրկԵրքՉրքՀնգՈւրՇբթԿրկ
 12
3456789
10111213141516
17181920212223
24252627282930

-

Արխիվ