Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երեքշաբթի, 25 հոկտեմբերի 2005


 

ՀՀ վարչապետ Անդրանիկ Մարգարյանն այսօր ընդունել է Աջարիայի ինքնավար հանրապետության կառավարության ղեկավար Լևան Վարշալոմիձեին:


Նշելով երկու պետությունների միջև նախկինում գոյություն ունեցած սերտ համագործակցության վերականգնման անհրաժեշտությունը, կողմերը գոհունակություն են հայտնել վերջին շրջանում տարածաշրջանային մակարդակում ևս երկուստեք կապերի ու շփումների ակտիվացումից: Նրանք ընդգծել են, որ փոխգործակցության համար երկուստեք զգալի ներուժ կա, որն անհրաժեշտ է արդյունավետորեն օգտագործել: Դրա վկայություններից մեկը համարելով Հայաստանից Աջարիա զբոսաշրջիկների հոսքի աճը, վարչապետները հավաստել են զբոսաշրջության զարգացման փոխշահավետությունը, քանի որ Հայաստանի քաղաքացիների համար Աջարիայի ծովափն առավել մոտ ու մատչելի հանգստավայր է, իսկ Աջարիայի համար՝ տնտեսական զարգացման կարևոր պայմաններից մեկը: Զրուցակիցների գնահատմամբ, դա հնարավոր է դարձել ինչպես Վրաստանի կենտրոնական իշխանությունների, այնպես էլ Աջարիայի նոր կառավարության ջանքերի շնորհիվ: Աջարիայի կառավարության ղեկավարը նշել է, որ հայտնի ներքաղաքական հարցերի կարգավորումից հետո կենտրոնական իշխանությունը զգալի աջակցություն է ցույց տալիս Բաթումի նավահանգստի զարգացմանը: Այդ կապակցությամբ նա զրուցակցին տեղեկացրել է Աջարիայում և, մասնավորապես, նավահանգստային ենթակառուցվածքում ընթացող մասնավորեցման գործընթացին, ընդգծելով, որ արդյունավետ համագործակցության դեպքում հայկական կապիտալն իր որոշակի տեղը կարող է ունենալ Աջարիայի տնտեսության մեջ: Նա նպատակահարմար է համարել Հայաստանի ու Աջարիայի, երկու կողմերի գործարար շրջանակների միջև կոոպերացիայի խթանումը, համատեղ ձեռնարկությունների ստեղծումը, ինչպիսին, ըստ նրա, կարող է լինել, օրինակ, հայ-աջարական բժշկական վերականգնողական կենտրոնի հիմնումը Բաթումիում: Անդրանիկ Մարգարյանը կարևորել է տրանսպորտային ուղիների զարգացման, մասնավորապես, Բաթումի-Թբիլիսի-Երևան երկաթուղային հաղորդակցության բարելավման, օդային չվերթերի բացման անհրաժեշտությունը ևս՝ Աջարիայի հետ մեր երկրի համագործակցության հետագա ընդլայնման համար: Անդրանիկ Մարգարյանը և Լևան Վարշալոմիձեն համակարծիք են եղել նաև գյուղատնտեսության ոլորտում, մասնավորապես, ծխախոտագործության, ցիտրուսային կուլտուրաների վերամշակման և այլ բնագավառներում համագործակցության իրական հեռանկարների վերաբերյալ:


Հանդիպման ավարտին Հայաստանի և Աջարիայի վարչապետները մեկ անգամ ևս հավաստել են Հայաստանի ու Վրաստանի միջև ձեռք բերված քաղաքական պայմանավորվածությունների շրջանակներում երկկողմ փոխշահավետ համագործակցությունը զարգացնելու իրենց պատրաստակամությունը:







Մարտ 2024
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ