Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երկուշաբթի, 24 հոկտեմբերի 2005

ՀՀ վարչապետ Անդրանիկ Մարգարյանի ուղերձը հոկտեմբերի 24-ին Երևանում անցկացվող Հայ-ճապոնական գործարար կլոր սեղանի մասնակիցներին


Մեծարգո դեսպան Նոմուրա


Հարգարժան հյուրեր


 


Թույլ տվեք ի սրտե ողջունել Ձեզ հայ- ճապոնական գործարար կլոր սեղանի բացման կապակցությամբ:


Ինձ համար առանձնապես հաճելի է այն փաստը, որ Հայաստան է ժամանել ճապոնացի գործարարների ստվար պատվիրակություն` առաջատար ճապոնական ընկերությունների մասնակցությամբ:


Հայ-ճապոնական գործարար կլոր սեղանի անցկացումը վկայում է մեր երկկողմ առևտրատնտեսական կապերը խթանելու փոխադարձ շահագրգռվածության մասին:


Այս միջոցառումը նաև ուղղակի դրական արձագանքն է սույն թվականի հունիսին Ճապոնիա կատարած իմ այցի, որի նպատակն էր մասնակցել Աիչի նահանգում «Էքսպո 2005» համաշխարհային ցուցահանդեսին և որի ընթացքում ձեռք բերվեցին մի շարք կարևոր պայմանավորվածություններ ճապոնական կողմի հետ:


Համոզված եմ, որ մեր երկրների գործարարների այս հանդիպումը հնարավորություն կընձեռի նոր և հեռանկարային գործնական կապերի ստեղծման, ճապոնական ուղղակի ներդրումների ներգրավման և առևտրատնտեսական կապերի ընդլայնման համար, որոնք մեր կառավարության տնտեսական քաղաքականության առաջնահերթ նպատակներից են:


Կարևորություն տալով ասիական-խաղաղօվկիանոսյան տարածաշրջանի առաջատար երկրներից մեկի՝ Ճապոնիայի հետ հարաբերությունների, հատկապես` տնտեսական կապերի զարգացմանը, Հայաստանի կառավարությունը պատրաստ է այսուհետ ևս աջակցել նման միջոցառումներին, որոնք բխում են մեր երկու երկրների տնտեսական ու քաղաքական շահերից և լիովին համահունչ են «Հարավային Կովկաս- Ճապոնիա» նոր նախաձեռնության գաղափարների հետ:


Մաղթում եմ հանդիպման մասնակիցներին բեղմնավոր աշխատանք, և հույս հայտնում, որ այսուհետև նման գործարար շփումները շարունակական բնույթ կկրեն` մոտ ապագայում տալով իրենց դրական արդյունքները:


 

Փետրվար 2020
ԵրկԵրքՉրքՀնգՈւրՇբթԿրկ
 12
3456789
10111213141516
17181920212223
242526272829 

-

Արխիվ