Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երեքշաբթի, 4 հոկտեմբերի 2005

ՀՀ վարչապետ Անդրանիկ Մարգարյանն այսօր ընդունել է Եվրոպայի խորհրդի Տեղական ու տարածքային իշխանությունների կոնգրեսի նախագահ Ջովաննի դի Ստազիին:

Դրական գնահատելով Եվրախորհրդի կոնգրեսի հետ Հայաստանի գրեթե տասնամյա համագործակցությունը՝ տեղական ինքնակառավարման մարմինների ձևավորման գործընթացի և դրա վերահսկողության ուղղությամբ, վարչապետը վստահություն է հայտնել, որ փոխշահավետ գործակցությունն այսուհետ ևս հաջողությամբ կշարունակվի: Նա ողջունել է ԵԽ կոնգրեսի նախագահի այցը Հայաստան՝ մանավանդ այն շրջանում, երբ մեր երկրում ընթանում են տեղական ինքնակառավարման մարմինների ընտրություններ, որոնց հետևում է նաև կոնգրեսի պատվիրակության դիտորդական առաքելությունը: Հայաստանի կառավարության ղեկավարը նշել է, որ ներկայումս մեր երկրում տեղի են ունենում ակտիվ գործընթացներ, մասնավորապես, սահմանադրական բարեփոխումների քննարկումները. համապատասխան օրինագիծը շուտով դրվելու է հանրաքվեի, ինչպես նաև «Համայնքային ծառայության մասին» ՀՀ օրենքի ընդունումը, «Տեղական ինքնակառավարման մասին» ՀՀ օրենքում կատարված փոփոխությունները՝ տեղական իշխանությունների նկատմամբ վերահսկողության առկա համակարգի արդյունավետության բարելավման նպատակով և այլն:

Պարոն Ջովաննի դի Ստազին ընդգծել է, որ հետևելով Հայաստանում տեղական ինքնակառավարման մարինների՝ մինչև այժմ կայացած ընտրություններին, կարող է արձանագրել, որ իրավիճակն այդ ոլորտում նկատելիորեն բարելավվում է, մեծանում է բնակչության մասնակցության աստիճանը, իշխանությունները և հանրությունը որոշակի փորձ են ձեռք բերում ժողովրդավարական ինստիտուտների ձևավորման ճանապարհին, ինչը չափազանց հուսադրող է: Անդրադառնալով սահմանադրական փոփոխություններին, ԵԽ կոնգրեսի նախագահը կարևորել է, մասնավորապես, Երևանի քաղաքապետի ընտրովիության սահմանումը, իշխանության ապակենտրոնացմանն ուղղված քայլերը: Նա դրական է գնահատել նաև «Միջհամայնքային միավորումների մասին» օրենքի ընդունման գաղափարը: Պարոն դի Ստազին պատրաստակամություն է հայտնել աջակցելու Հայաստանին «Տեղական ինքնակառավարման մասին» խարտիայի պահանջների իրականացման հարցում ևս, որը մեր երկիրը վավերացրել է դեռևս 2003թ.:

Հանդիպմանը կողմերն անդրադարձել են նաև տարածաշրջանային համագործակցության խնդիրներին: Վարչապետ Անդրանիկ Մարգարյանն ընդգծել է, որ Եվրամիությանն ինտեգրվելու ուղին ընտրած Հայաստանը միշտ էլ հանդես է եկել հարավկովկասյան տարածաշրջանային ակտիվ փոխգործակցության նախաձեռնությամբ և այսուհետ էլ շարունակելու է ջանքերն այդ ուղղությամբ: ԵԽ կոնգրեսի նախագահ Ջովաննի դի Ստազին կարևորելով նաև տարածաշրջանային տնտեսական համագործակցությունը հարևան երկրների միջև, այդ տեսակետից անընդունելի է համարել Թուրքիայի կողմից Հայաստանի հետ սահմանի փակումը: Նա ընդգծել է, որ եվրոպական հանրության համար անհանդուրժելի է նաև եվրոպական տարածքում ամեն տեսակի բաժանարար գծերի անցկացումը: Պատրաստակամություն հայտնելով օժանդակելու տարածաշրջանային համագործակցությանն ուղղված բոլոր՝ այդ թվում նաև Հայաստանի նախաձեռնություններին, նա առաջ է քաշել տեղական ինքնակառավարման մարմինների տարածաշրջանային կենտրոնի ստեղծման գաղափարը, ինչը, ըստ նրա, կնպաստի դրանց միջև տնտեսական, սոցիալական, մշակութային համագործակցության հաստատմանը: Ողջունելով այդ գաղափարը, վարչապետ Անդրանիկ Մարգարյանը, Հայաստանի կառավարության անունից պատրաստակամություն է հայտնել աջակցելու նմանատիպ այն բոլոր նախաձեռնություններին, որոնք կարող են նպաստել նաև ընդհանուր տարածաշրջանային հիմնախնդիրների լուծմանը: Նա ողջունել է վաղը Երևանում մեկնարկելիք «Տրանսսահմանային համագործակցությունը Եվրոպայում» համաժողովը և հաջողություններ է մաղթել երկրների ու ժողովուրդների միջև խաղաղության, հանդուրժողականության հաստատմանն ու կայուն զարգացմանն ուղղված համաժողովի աշխատանքին:

Մարտ 2024
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ