երեքշաբթի, 16 օգոստոսի 2005
ՀՀ վարչապետ Անդրանիկ Մարգարյանի որոշումներով Աշոտ Եսայանն ազատվել է ՀՀ աշխատանքի և սոցիալական հարցերի նախարարի առաջին տեղակալի պաշտոնից: ՀՀ աշխատանքի և սոցիալական հարցերի նախարարի առաջին տեղակալ է նշանակվել Արայիկ Պետրոսյանը՝ ազատվելով ՀՀ աշխատանքի և սոցիալական հարցերի նախարարի տեղակալի պաշտոնից:
ՀՀ վարչապետի մեկ այլ որոշմամբ Արծվիկ Մինասյանը նշանակվել է ՀՀ աշխատանքի և սոցիալական հարցերի նախարարի տեղակալ:
Համառոտ կենսագրական
Արծվիկ Մինասյանը ծնվել է 1972թ. հունվարի 1-ին, Թալինի շրջանի Ոսկեթաս գյուղում: 1995թ. ավարտել է Երևանի պետական համալսարանի տնտեսագիտության ֆակուլտետը՝ տնտեսագետ-մաթեմատիկոսի, իսկ 2001թ. ԵրՊՀ իրավաբանական ֆակուլտետը՝ իրավաբանի մասնագիտությամբ: 1997թ.-ից տարբեր տարիների մասնակցել է ԱՄՆ արժեթղթերի հանձնաժողովի միջազգային ինստիտուտի, Մոսկվայի պետական համալսարանի և Վիեննայի միացյալ ինստիտուտի դասընթացներին: 1999թ.-ից դասախոսել է Երևանի պետական համալսարանի տնտեսագիտության ֆակուլտետում, 2004թ.-ից՝ Երևանի պետական տնտեսագիտական ինստիտուտում:
1996-1998թթ. աշխատել է ՀՀ ֆինանսների և էկոնոմիկայի նախարարությունում՝ որպես արժեթղթերի շուկայի կարգավորման տեսչության մասնագետ, արժեթղթերի շուկայի կարգավորման և մեթոդոլոգիայի բաժնի պետ, արժեթղթերի և բորսաների տեսչության վարչության պետ: 1999-2000թթ. վարել է ՀՀ արժեթղթերի շուկայի տեսչության պետի տեղակալի պաշտոնը:
2000թ.-ից մինչև նշանակումը եղել է ՀՀ արժեթղթերի հանձնաժողովի անդամ:
Մասնակցել է մի շարք միջազգային համաժողովների, հեղինակ է շուրջ մեկ տասնյակ գիտական հրապարակումների:
Տնտեսագիտության թեկնածու է:
Անկուսակցական է:
Ամուսնացած է, ունի երեք երեխա:
