երկուշաբթի, 6 հունիսի 2005
ՀՀ վարչապետ Անդրանիկ Մարգարյանի գլխավորած պատվիրակությունն այսօր աշխատանքային այցով ժամանել է Ճապոնիա՝ Աիչի նահանգի Նագոյա քաղաք, որտեղ անց է կացվում «Էքսպո-2005» համաշխարհային ցուցահանդեսը: Օրվա ընթացքում վարչապետը և ՀՀ պատվիրակության անդամները կայցելեն Նագոյայի տեսարժան վայրեր, մասնավորապես, Նագոյայի ամրոց և «Ացուտա» տաճար, կծանոթանան պատմամշակութային ու ճարտարապետական հուշարձաններին:
Վաղն առավոտյան վարչապետ Անդրանիկ Մարգարյանի գլխավորած պատվիրակությունը կմեկնի «Էքսպո-2005» ցուցահանդես, որի հանդիսասրահում Հայաստանի Հանրապետության ազգային օրվա կապակցությամբ տեղի կունենա պաշտոնական արարողություն: Այնուհետև վարչապետը կայցելի ցուցահանդեսի ճապոնական, Կովկասի և այլ տաղավարներ, կծանոթանա ցուցանմուշներին:
Երեկոյան վարչապետ Անդրանիկ Մարգարյանի գլխավորած պատվիրակությունը Նագոյայից կմեկնի Տոկիո: