Հայաստանի Հանրապետության Կառավարություն

Այսօր կառավարությունում ՀՀ տարածքային կառավարման նախարար Հովիկ Աբրահամյանն ընդունել է Իտալիայի Հանրապետության տարածքային կառավարման նախարար Էնրիկո Լա Լոջջիային   և նրա ղեկավարած պատվիրակությանը։

Քննարկվել են իշխանության ապակենտրոնացման քաղաքականության, տարածքային կառավարման և տեղական ինքնակառավարման մարմինների միջև համագործակցության, տնտեսական հարաբերությունների և երկուստեք հետաքրքրություն ներկայացնող այլ հարցեր։ Հովիկ Աբրահամյանը Իտալիայի տարածքային կառավարման նախարարին ներկայացրել է Հայաստանում իրականացվող մարզային զարգացման ծրագրերը, ինչպես նաև լեռնային բնակավայրերի կայուն զարգացման ռազմավարության մշակմանն ուղղված աշխատանքները: Կողմերը մտքեր են փոխանակել Միջազգային լեռնային համագործակցության կազմակերպությանը վերջերս անդամակցած Հայաստանի՝ այդ կազմակերպության շրջանակներում փոխգործակցության հեռանկարների շուրջ, մանավանդ որ Իտալիայի Հանրապետությունը նրա ակտիվ անդամներից է։

Հանդիպմանը պայմանավորվածություններ են ձեռք բերվել նաև հետագա համագործակցության որոշակի միջոցառումների վերաբերյալ։