երեքշաբթի, 19 ապրիլի 2005
ՀՀ վարչապետ Անդրանիկ Մարգարյանն այսօր ընդունել է «Այաս» ծովային հետազոտությունների ակումբի անդամներին, ովքեր օրերս մեկնելու են Վենետիկ՝ «Կիլիկիա»-ի գիտարշավը շարունակելու համար: Նախատեսվում է, որ նավը բաց ծով դուրս կգա մայիսի 9-ին և ֆրանսիայի, Իսպանիայի, Պորտուգալիայի ափերով, անցնելով Ջիբրալթարի նեղուցը, ուղղություն կվերցնի դեպի Ամստերդամ, որտեղ և նավարկությունն ավարտելուց հետո, կկայանի հերթական ձմեռումն անցկացնելու համար:
Գոհունակություն հայտնելով, որ նավի անձնակազմի բոլոր անդամների տրամադրությունը բարձր է, իր տեսակի մեջ առանձնահատուկ գիտարշավը ավարտին հասցնելու կամքը՝ ամուր, Անդրանիկ Մարգարյանը բարեհաջող նավարկություն է մաղթել նրանց: Վարչապետը մեկ անգամ ևս հավաստել է ՀՀ կառավարության և անձամբ իր պատրաստակամությունը՝ նավարկության ընթացքում ծագող խնդիրների լուծմանը հնարավորինս աջակցելու համար:
