ուրբաթ, 1 ապրիլի 2005
ՀՀ վարչապետ Անդրանիկ Մարգարյանն այսօր ընդունել է Ամենայն Հայոց կաթողիկոս Ն.Ս.Օ.Տ.Տ. Գարեգին Երկրորդին: Քննարկվել են եկեղեցի-պետություն հարաբերությունների հետագա ամրապնդմանը վերաբերող հարցեր:
Վեհափառը շնորհակալություն է հայտնել ՀՀ վարչապետին և կառավարությանը՝ 2005թ. փետրվարին կառավարության որոշմամբ Հայաստանյայց Առաքելական եկեղեցու սեփականությունը հանդիսացող վանքերի ու եկեղեցիների զբաղեցրած և դրանց սպասարկման համար անհրաժեշտ, անհատույց օգտագործման իրավունքով տրամադրված ու պետական գրանցում ստացած հողամասերն անհատույց սեփականության իրավունքով Հայաստանյայց Առաքելական եկեղեցուն օտարելու կապակցությամբ: Պայմանավորվածություն է ձեռք բերվել այդ ուղղությամբ համատեղ աշխատանքները շարունակելու և ընթացքում ծագող խնդիրները լուծելու վերաբերյալ: Հանդիպմանը քննարկվել է նաև «Խղճի ազատության և կրոնական կազմակերպությունների մասին» ՀՀ օրենքի բարեփոխմանն ուղղված աշխատանքների ընթացքը, որի ընդունումից հետո ՀՀ կառավարության և Հայաստանյայց Առաքելական եկեղեցու միջև կկնքվի համապատասխան համաձայնագիր:
