Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

ուրբաթ, 3 նոյեմբերի 2023

ժամանակավոր պաշտպանության կարգավիճակ ստացած բռնի տեղահանված անձանց համար պարզեցված ընթացակարգ կսահմանվի կենսաթոշակ ստանալու համար





Աշխատանքի և սոցիալական հարցերի նախարարի տեղակալ Դավիթ Խաչատրյանը, Առողջապահության նախարարի տեղակալ Արտակ Ջումայանը, Աշխատանքի և սոցիալական հարցերի նախարարի մամուլի քարտուղար Զարուհի Մանուչարյանը «Հումանիտար կենտրոն»-ից ներկայացրել են վերջին տվյալները Լեռնային Ղարաբաղից բռնի տեղահանված անձանց հումանիտար խնդիրների լուծմանն ուղղված ՀՀ կառավարության ծրագրերի վերաբերյալ:

Զարուհի Մանուչարյանն անդրադարձել է Կառավարության նոյեմբերի 2-ի նիստում կայացրած որոշմանը, ըստ որի հերթական միջոցներ է հատկացվել 100 000 դրամ և 40+10 հազար դրամ սոցիալական աջակցության տրամադրման շրջանակում վճարման գործընթացների համար:

Աշխատանքի և սոցիալական հարցերի նախարարի տեղակալ Դավիթ Խաչատրյանը, մանրամասնելով կառավարության որոշումը, նշել է, որ 1 մլրդ 370 մլն ֆինանսավորում կհատկացվի այս երկու ծրագրերին: 100 000 դրամ միանվագ աջակցության ծրագրի շրջանակում արդեն վճարում է կատարվել 100 820 անձի: Դավիթ Խաչատրյանի ներկայացմամբ, կառավարության երեկվա որոշմամբ, ևս 4200 հոգու համար ֆինանսավորում կհատկացվի, որը առաջիկա օրերին կվճարվի: Ինչ վերաբերում է 40+10 ծրագրին, ապա, ըստ Դավիթ Խաչատրյանի, կառավարության երեկվա նիստով հատկացվել է 950 մլն դրամ: Այս հատկացումներով միասին կֆինանսավորվի 92 525 անձ:
Աշխատանքի և սոցիալական հարցերի նախարարի տեղակալն անդրադարձել է նաև երրորդ ծրագրին, որն արդեն հաջոր շաբաթ կներկայացվի կառավարության նիստի հաստատմանը: Խոսքը վերաբերում է բռնի տեղահանված անձանց առաջնային սպառման ծախսերը հոգալու նպատակով նոյեմբեր և դեկտեմբեր ամիսներին 50 000 դրամ հատկացնելուն: Այս ծրագիրը նույնպես վերաբերում է բոլոր տեղահանվածներին՝ անկախ տարիքից և աշխատանք ունենալու հանգամանքից: Ըստ Դավիթ Խաչատրյանի, ծրագրի մասին ավելի հանգամանալից կներկայացվի կառավարության հաջորդ նիստում:
Աշխատանքի և սոցիալական հարցերի նախարարի տեղակալը խոսել է նաև Լեռնային Ղարաբաղից բռնի տեղահանված անձանց կենսաթոշակների և նպաստների վճարման գործընթացի մասին և նշել, որ կառավարության հոկտեմբերի 25-ի նիստում կայացված որոշման համաձայն, բռնի տեղահանված անձանց տրվել է ժամանակավոր պաշտպանության կարգավիճակ, որը համաձայն գործող օրենսդրության, նրանց տալիս է կենսաթոշակի և նպաստի որոշակի երաշխիքներ: Այսինքն՝ սկսած հոկտեմբերի 25-ից բռնի տեղահանված անձինք կարող են դիմել կենսաթոշակի համար Միասնական սոցիալական ծառայության տարածքային կենտրոն: Դավիթ Խաչատրյանն ընդգծել է. «Սակայն մենք ներկայումս աշխատում ենք իրավական որոշ կարգավորումներ, լուծումներ տալու վրա, ըստ որի ժամանակավոր պաշտպանության կարգավիճակ ունեցող անձանց համար նպատակ ունենք պարզեցված ընթացակարգ սահմանել, այսինքն՝ օրենսդրական որոշակի փոփոխություններ ենք իրականացնելու, որը թույլ կտա որոշակի պարզեցված ընթացակարգերով իրենց կենսաթոշակի նշանակման, այդ թվում՝ արդեն ձեռք բերված նախկինում ունեցած ստաժ արագացված կարգով հաշվառման և այդ չափով կենսաթոշակ ստանալու համար»: Դավիթ Խաչատրյանը վերջում հավելել է, որ կենսաթոշակի նշանակման համար պարտադիր է հաշվառվել այն հասցեներում, որտեղ անձը բնակվում է:

Զարուհի Մանուչարյանը հիշեցրել է, որ անչափահասներին սոցիալական աջակցության ծրագրերի շրջանակում գումարների հատկացման համար անհրաժեշտ է մուտք գործել www.dimum.ssa.am հարթակ և մուտքագրելով անունը, ազգանունը և անձը հաստատող փաստաթղթի համարը, հետևել դիմումի ընթացքին: Զարուհի Մանուչարյանն ընդգծել է, որ եթե նշված է, որ դիմումը մերժված է, բայց այնուամենայնիվ ծրագրի շահառու է հանդիսանում դիմումում լրացված անձը, ապա պետք է ներկայացնել ևս մեկ դիմում և հետևողական լինեն, որպեսզի այն լրացվի ամբողջական:

Առողջապահության նախարարի տեղակալ Արտակ Ջումայանն իր հերթին ներկայացրել է, որ մայրաքաղաքի տարբեր բուժհաստատություններում այս պահին բուժում է ստանում Լեռնային Ղարաբաղից բռնի տեղահանված և պայթյունի հետևանքով վիրավորում ստացած 113 բուժառու, նրանցից 11-ի վիճակը ծանր է, 3-ի վիճակը ծայրահեղ ծանր, 19 բուժառու շարունակում է իր բուժումն արտասահմանում, նրանց բոլորի մոտ կա վիճակի դրական դինամիկա: Վերջին շաբաթների ընթացքում 100-ից ավելի բուժառու է դուրս գրվել լավացումով, սակայն շարունակում են գտնվել բժիշկների հսկողության ներքո:

Առողջապահության նախարարի տեղակալը նաև ներկայացրել է, որ այս ընթացքում ծնվել է 120 երեխա, որոնցից 67 ծնվել է Երևանում 53-ը՝ մարզերում: Նրա ներկայացմամբ, 53 000-ից ավելի անձ արդեն իսկ գրանցվել է բուժօգնության առաջնային օղակներում և հորդորել, որպեսզի բոլորը հաշվառվեն բուժօգնության առաջնային օղակներում՝ հետագայում բուժօգնության հետ կապված հարցերը հեշտ լուծելու համար: Արտակ Ջումայանը նշել է, որ շարունակվում է Առողջապահության նախարարության համագործակցությունը միջազգային գործընկերների հետ մոբիլ թիմերի հետ կապված, և 5000-ից ավելի բուժառու մոբիլ թիմերի միջոցով ստացել է առաջին բուժօգնություն: Առողջապահության նախարարության կողմից պետպատվերի շրջանակում արդեն իսկ վերապատրաստվել է 590 բուժաշխատող, բժշկական տարբեր կենտրոններում աշխատանքի է անցել 70-ից ավել բուժաշխատող, մարզերում այս պահին առկա է 273 ավագ բուժաշխատողի և 59 միջին բուժաշխատողի թափուր հաստիք:
 

Փետրվար 2024
ԵրկԵրքՉրքՀնգՈւրՇբթԿրկ
 1234
567891011
12131415161718
19202122232425
26272829 

-

Արխիվ