Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

շաբաթ, 7 հոկտեմբերի 2023

Հոկտեմբերի 9-ին տեղի կունենա հանդիպում Էկոնոմիկայի նախարարության թիմի և Լեռնային Ղարաբաղից բռնի տեղահանված գործարարների միջև



Էկոնոմիկայի նախարար Վահան Քերոբյանն ու վարչապետի մամուլի քարտուղար Նազելի Բաղդասարյանը Կառավարության «Հումանիտար կենտրոնից» ներկայացրել են այն գործընթացները, որ Հայաստանի կառավարությունն իրականացնում է Լեռնային Ղարաբաղից բռնի տեղահանված անձանց հումանիտար կարիքները հոգալու համար:

Նազելի Բաղդասարյանը ներկայացրել է Լեռնային Ղարաբաղից բռնի տեղահանված անձանց տեղաբաշխումն՝ ըստ մարզերի: Ըստ այդմ՝ Արագածոտնում՝ 4119, Արարատում՝ 19054, Արմավիրում՝ 8149, Գեղարքունիքում՝ 4939, Լոռիում՝ 4695, Կոտայքում՝ 22350, Շիրակում՝ 3529, Սյունիքում՝ 5436, Վայոց Ձորում՝ 2310, Տավուշում՝ 3195: Ընդհանուր թիվը կազմում է 77 776: Շուրջ 58000 անձի կեցության հարցին պետությունն աջակցել է:

Վարչապետի մամուլի քարտուղարը նշել է, որ հաջորդ շաբաթ արդեն Կառավարությունը որոշում կկայացնի բռնի տեղահանված յուրաքանչյուր անձի 40 000 դրամ բնակարանի վարձակալության և 10 000 դրամ կոմունալ ծախսերի համար նախատեսված գումարների փոխանցման գործընթացի վերաբերյալ:

Ըստ Նազելի Բաղդասարյանի ներկայացրած տվյալների՝ այս պահին առողջապահական հաստատություններում գտնվում է 300 բուժառու, 112 վիճակը ծանր է, ծայրահեղ ծանր վիճակում է 11 անձ: Վերակենդանացման բաժանմունքում շարունակում է մնալ 5 երեխա: Առողջապահության նախարարության 8003 թեժ գծով ստացվել է 910 զանգ, տրվել է խորհրդատվություն: Առավել քան 13 900 անձ կցագրվել է առողջապահության առաջնային օղակներին:

Վարչապետի մամուլի քարտուղարը հիշեցրել է, որ 100 000 դրամ միանվագ աջակցությունն անչափահաս երեխաներին տրամադրելու համար, անհրաժեշտ է, որպեսզի ծնողը կամ խնամակալը մուտք գործի Միասնական սոցիալական ծառայության առցանց դիմումների համակարգ՝ www.dimum.ssa.am կայք, և լրացնի երեխայի տվյալները:

Զբաղվածության հարցը լուծելու համար անհրաժեշտ է այցելել www.workforall.am կայք, որտեղ տեղադրված են թափուր հաստիքները:

Էկոնոմիկայի նախարար Վահան Քերոբյանը ներկայացրել է, որ 75 000 սննդի փաթեթ է բաժանվել սահմանը հատելուց հետո՝ առաջին 3-4 օրվա ընթացքում:

Վահան Քերոբյանը նշել է, որ հոկտեմբերի 9-ին, ժամը 16:00-ին Էկոնոմիկայի նախարարությունում տեղի է ունենալու հանդիպում Էկոնոմիկայի նախարարության թիմի և Լեռնային Ղարաբաղից բռնի տեղահանված գործարարների միջև: 40-ից ավելի գործարար արդեն գրանցված է: Գրանցումը շարունակվում է, բոլոր ցանկացողները կարող են մասնակցել հանդիպմանը:

Նազելի Բաղդասարյանը նշել է, որ այն անձինք, ովքեր ունեն բանկային քարտ, սակայն այն հասանելի չէ, ապա 100 000 դրամ միանվագ աջակցությունն ստանալու համար պետք է մոտենան բանկ և կանխիկացնեն այդ գումարը: Մյուս տարբերակն այն է, որպեսզի բացվի նոր քարտային հաշիվ և այդ հաշվեհամարը ներկայացվի Միասնական սոցիալական ծառայություն: Այն անձինք, ովքեր 75-ից բարձր տարիքային խմբում են կամ ունեն առաջին կամ երկրորդ կարգի հաշմանդամություն, կարող են այդ գումարը ստանալ Հայփոստից:

Ապրիլ 2024
ԵրկԵրքՉրքՀնգՈւրՇբթԿրկ
1234567
891011121314
15161718192021
22232425262728
2930 

-

Արխիվ