Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

շաբաթ, 7 հոկտեմբերի 2023

www.dimum.ssa.am կայքի միջոցով անհրաժեշտ է լրացնել անչափահասների տվյալները՝ 100 000 դրամ միանվագ աջակցության տրամադրման նպատակով

Վարչապետի մամուլի քարտուղար Նազելի Բաղդասարյանը Կառավարության «Հումանիտար կենտրոնից» ներկայացրել է այն գործընթացները, որ Հայաստանի կառավարությունն իրականացնում է Լեռնային Ղարաբաղից բռնի տեղահանված անձանց հումանիտար կարիքները հոգալու համար:

Նազելի Բաղդասարյանը ներկայացրել է, որ Լեռնային Ղարաբաղից բռնի տեղահանված անձանց քանակը մնում է նույնը՝ 100 632: Ըստ Միգրացիայի և քաղաքացիության ծառայության տրամադրած տվյալների, 99,3 տոկոսի տվյալները մշակված են, այսինքն՝ հաշվառված և նույնականացված են:

Տեղաբաշխումը շարունակվում է ինչպես Հայաստանի մարզերում, այնպես էլ Երևանում: Առաջին կեցավայրով ապահովված անձինք, այժմ տեղափոխվում են առաջիկա 6 ամսվա համար նախատեսված վարձակալությամբ բնակարաններ:

Տարածքային կառավարման և ենթակառուցվածքների նախարարության տրամադրած տվյալների համաձայն, այս պահի դրությամբ 76 692 անձ գտնվում է Հայաստանի տարբեր մարզերում: Ըստ այդմ՝ Արագածոտնում՝ 4109, Արարատում՝ 18367, Արմավիրում՝ 8144, Գեղարքունիքում՝ 4895, Լոռիում՝ 4541, Կոտայքում՝ 22150, Շիրակում՝ 3556, Սյունիքում՝ 5438, Վայոց Ձորում՝ 2303, Տավուշում՝ 3189: Ընդհանուր ժամանածներից շուրջ 58000-ի կեցության հարցին պետությունը աջակցել է, մյուսների դեպքում տրամադրվել է սնունդ, հիգիենիկ պարագաներ, դեղեր և այլն:

Անդրադառնալով թեժ գծին ստացված հարցերին՝ Նազելի Բաղդասարյանը նշել է, որ հիմնականում նշվում է, որ 100 000 դրամը չեն ստացել և հավելել է, որ ինչպես նախօրեին ասվել է՝ հաշվառված անձանց շուրջ 50 տոկոսի գումարները փոխանցվել են Կենտրոնական բանկի տրամադրած բանկային քարտային հաշիվներին, գործընթացը կշարունակվի երկուշաբթի օրվանից:

Վարչապետի մամուլի քարտուղարն անդրադարձել է նաև առողջապահական թեմային: Ըստ նրա ներկայացրած տվյալների՝ այս պահին առողջապահական հաստատություններում գտնվում է 302 բուժառու, 113 վիճակը ծանր է, ծայրահեղ ծանր վիճակում է 11 անձ: Վերակենդանացման բաժանմունքում շարունակում է մնալ 5 երեխա, 8 երեխա բուժումը շարունակում է ստանալ ստացիոնար եղանակով: Նազելի Բաղդասարյանը հավելել է, որ նախօրեին Հայաստանից 7 բուժառու տեղափոխվել է Ֆրանսիայի և Բուլղարիայի տարբեր բժշկական հաստատություններ: 13 646 անձ արդեն կցագրվել է առողջապահական առաջնային օղակներին: Առողջապահության նախարարությունը նաև շարունակում է այն բուժաշխատողների գրանցումը, ովքեր ոլորտում աշխատելու ցանկություն ունեն: Այսպիսով՝ 261 բուժաշխատող արդեն գրանցվել է Առողջապահության ազգային ինստիտուտում: 125 անձ ավագ բուժաշխատող է, 136-ը միջին բուժաշխատող: Առկա է 273 ավագ բուժաշխատողի և 59 կրտսեր բուժաշխատողի թափուր հաստիք:

Վարչապետի մամուլի քարտուղարը նշել է, որ 100 000 դրամ միանվագ աջակցությունը անչափահաս երեխաներին տրամադրելու համար անհրաժեշտ է, որպեսզի ծնողը կամ խնամակալը մուտք գործի Միասնական սոցիալական ծառայության առցանց դիմումների համակարգ՝ www.dimum.ssa.am կայք և լրացնի երեխայի տվյալները:

Ապրիլ 2024
ԵրկԵրքՉրքՀնգՈւրՇբթԿրկ
1234567
891011121314
15161718192021
22232425262728
2930 

-

Արխիվ