Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երեքշաբթի, 5 դեկտեմբերի 2000

ՀԱՄԱՏԵՂ ԿՈՄՅՈՒՆԻԿԵ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԵՎ ՉԻՆԱԿԱՆ ԺՈՂՈՎՐԴԱԿԱՆ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻՋԵՎ

ՉԺՀ Պետական խորհրդի նախագահ Ձու Ժոնգծիի հրավերով Հայաստանի Հանրապետության վարչապետ Անդրանիկ Մարգարյանն աշխատանքային այցով 2000թ. դեկտեմբերի 4-8-ը գտնվում է ՉԺՀ-ում:

ՉԺՀ նախագահ Ձյան Ձեմինը հանդիպում ունեցավ վարչապետ Մարգարյանի հետ: Բանակցություններ են տեղի ունեցել Պետխորհրդի նախագահ Ձու Ժոնգծիի և վարչապետ Մարգարյանի միջև: Երկու երկրների ղեկավարները անկեղծ բարեկամության, փոխադարձ հարգանքի և գործնական մթնոլորտում մտքերի համապարփակ փոխանակում կատարեցին, ինչպես երկկողմ հարաբերությունների ամրապնդման, այնպես էլ փոխադարձ հետաքրքրություն ներկայացնող միջազգային և տարածաշրջանային հարցերի շուրջ, գոհունակությամբ արձանագրեցին այցի արդյունքները և վստահություն հայտնեցին, որ նշված այցը կխթանի հայ-չինական բարեկամության և համագործակցության հարաբերությունների հետագա զարգացումը: Երկու կողմերը ստորագրեցին Հայաստանի Հանրապետության կրթության և գիտության նախարարության և Չինաստանի Ժողովրդական Հանրապետության կրթության նախարարության միջև կրթության ոլորտում համագործակցության մասին համաձայնագիր: Բացի Պեկինից վարչապետ Մարգարյանը և նրան ուղեկցող անձինք կայցելեն նաև Շանհայ:

1. Կողմերը գտնում են, որ ժամանակակից աշխարհում տեղի են ունենում բազմազանության և տնտեսական գլոբալիզացիայի միտումները բնութագրող փոփոխություններ, ինչի արդյունքում աճում է աշխարհի տարբեր երկրների շահերի փոխկախվածությունը: Կողմերը հաստատում են, որ բոլոր երկրները՝ թե մեծ թե փոքր, թե ուժեղ թե թույլ, հարուստ թե աղքատ, իրավունք ունեն տնօրինելու իրենց ճակատագիրը և օգտվում են միջազգային հիմնահարցերի քննարկման և կարգավորման գործընթացների մասնակցության հավասար իրավունքներից:

2. Կողմերը արձանագրում են, որ համաշխարհային քաղաքականության բազմաբևեռացումը համապատասխանում է ժամանակաշրջանի պահանջներին և համահունչ է զարգացման ընթացքին: Այն նպաստում է նոր, արդար և ռացիոնալ միջազգային քաղաքական և տնտեսական կարգի հաստատմանը, աշխարհում խաղաղության և կայունության պահպանմանը: Այն համապատասխանում է նաև միջազգային համայնքի ճնշող մեծամասնությունը կազմող երկրների և նրանց ժողովուրդների սպասումներին:

3. Կողմերը նշում են, որ շատ կարևոր է փոխադարձ հետաքրքրություն ներկայացնող միջազգային և տարածաշրջանային հարցերի շուրջ կարծիքների փոխանակումը: Կողմերը պատրաստ են ամրապնդելու իրար միջև, ինչպես երկկողմ, այնպես էլ բազմակողմ համագործակցությունը, ջանքեր ներդնելու ՄԱԿ-ի կանոնադրության նպատակների ու սկզբունքների և միջազգային հարաբերությունների այլ համընդանուր ճանաչում ստացած նորմերի հիման վրա նոր, արդար և ռացիոնալ միջազգային քաղաքական և տնտեսական կարգի ձևավորմանը:

4. Կողմերը բարձր են գնահատում 1992թ. ապրիլի 6-ին ՀՀ-ի և ՉԺՀ-ի միջև դիվանագիտական հարաբերությունների հաստատումից ի վեր քաղաքականության, առևտրի և տնտեսության, գիտության և տեխնիկայի, մշակույթի և այլ ոլորտներում համատեղ ջանքերի շնորհիվ ձեռքբերված հաջողությունները:

5. Կողմերը միասնական են նրանում, որ երկու երկրների ժողովուրդների արմատական շահերին համապաստասխանում են բարեկամության և համագործակցության հարաբերությունների հետագա ամրապնդումն ու զարգացումը՝ Հայաստանի Հանրապետության և Չինական Ժողովրդական Հանրապետության միջև բարեկամական հարաբերությունների հիմունքների վերաբերյալ Համատեղ կոմյունիկեում հաստատված երկկողմ հարաբերությունների զարգացման սկզբունքների հիման վրա:

6. Կողմերը այսուհետ ևս կպահպանեն բարձր մակարդակի իրենց շփումները, կպահպանեն տարբեր մակարդակներում կապերը և փոխանակումները, էլ ավելի կընդլայնեն բոլոր ոլորտներում բարեկամության և համագործակցության հարաբերությունները, կհարստացնեն դրանց բովանդակությունը և նոր դարում նշված հարաբերությունները նոր մակարդակի կհասցնեն:

7. Կողմերը համակարծիք են, որ երկու երկրների միջև առևտրատնտեսական համագործակցության հեռանկարները բավականին բարենպաստ են: Կողմերը պատրաստակամություն հայտնեցին հետագայում նույնպես ընդլայնել առևտրատնտեսական համագործակցությունը՝ հավասարության և փոխշահավետության հիման վրա, աջակցել և քաջալերել իրենց համապատասխան նախարարություններին և գերատեսչություններին, ձեռնարկություններին և տարածաշրջաններին՝ հաստատելու անմիջական շփումներ և համագործակցություն և ողջ ծավալով զարգացնել հայ-չինական համատեղ առևտրատնտեսական հանձնաժողովի դերը առևտրատնտեսական համագործակցությունում:

8. Կողմերը այսուհետ ևս կամրապնդեն շփումները և համագործակցությունը երկու երկրների միջև գիտության և տեխնիկայի, մշակույթի, կրթության, առողջապահության, տեղեկատվության, սպորտի և այլ ոլորտներում, այդ նպատակով երկու երկրների կառավարությունները կստեղծեն բոլոր անհրաժեշտ պայմանները:

9. Հայաստանը կրկին հայտարարում է, որ պահպանում է «մեկ Չինաստանի» իր սկզբունքային դիրքորոշումը, ճանաչելով, որ Չինական Ժողովրդական Հանրապետության կառավարությունը հանդիսանում է Չինաստանի միակ օրինական կառավարությունը, իսկ Թայվանը՝ Չինաստանի անքակտելի մասը: Հայաստանը հաստատում է, որ ոչ մի տեսակի պաշտոնական հարաբերություններ չի հաստատելու Թայվանի հետ:

Չինաստանը աջակցում է Հայաստանի ազգային անկախության ամրապնդման և տնտեսության զարգացման ուղղությամբ ձեռնարկած ջանքերին և հույս ունի Հայաստանում տեսնել քաղաքական կայունություն և տնտեսական զարգացում:

Հայաստանը կրկին հայտարարում է, որ պատրաստ է խաղաղ բանակցությունների միջոցով կարգավորելու Լեռնային Ղարաբաղի հիմնահարցը: Չինական կողմը ողջունում է Հայաստանի և Ադրբեջանի ղեկավարների միջև անմիջական հանդիպումները և միջազգային հանրության ներկա ջանքերը հիմնահարցի խաղաղ կարգավորման ուղղությամբ և հույս հայտնում, որ առկա բանակցային գործընթացի շրջանակներում որքան հնարավոր է շուտ կգտնվի նշված հակամարտության արդար և ռացիոնալ լուծումը՝ համաձայն միջազգային ասպարեզում համընդանուր ճանաչում գտած սկզբունքներին և նորմերին:

10. Կողմերը հայտարարում են, որ Չինական Ժողովրդական Հանրապետության և Հայաստանի Հանրապետության բարեկամության և համագործակցության հարաբերությունների պահպանումն ու զարգացումը ուղղված չէ երրորդ պետության դեմ, ինչպես նաև չի վնասի երրորդ պետության շահերին:

Հայաստանի Հանրապետության վարչապետ Անդրանիկ Մարգարյանը չինական կողմին իր երախտագիտությունը հայտնեց ջերմ և բարեկամական ընդունելության համար և հրավիրեց Չինական Ժողովրդական Հանրապետության Պետական խորհրդի նախագահ Ձու Ժոնգծիին այցելել Հայաստան՝ երկու կողմերի համար հարմար ժամկետում: Վարչապետ Ձու Ժոնգծիին երախտագիտությամբ ընդունեց հրավերը:

 

Պեկին, 5 դեկտեմբերի, 2000թ.

Մարտ 2024
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ