Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երեքշաբթի, 5 դեկտեմբերի 2000

Այսօր տեղի ունեցավ ՀՀ վարչապետ Անդրանիկ Մարգարյանի և ՉԺՀ նախագահ Ձյան Ձեմինի հանդիպումը: ՉԺՀ նախագահը հանդիպման սկզբում նշեց, որ տեղյակ է երկու երկրների վարչապետների երեկվաճ բարեհաջող ավատված բանակցությունների մանրամասներին և ուրախ է ջերմ փոխըմբռնման համար:

ՀՀ վարչապետ Անդրանիկ Մարգարյանը նախ իր երախտագիտությունը հայտնեց Չինաստանում հայկական պատվիրակությանը ցուցաբերվող ջերմ ընդունելության համար և ապա ՉԺՀ նախագահին հաղորդեց ՀՀ նախագահ Ռոբերտ Քոչարյանի ողջույններն ու լավագույն բարեմաղթանքները և Հայաստան այցելելու հրավերը:

Հայաստանի Հանրապետությունը միջազգային ասպարեզ մտավ և իր պետական ինքնիշխանության ամրապնդումը սկսեց միջազգային հարաբերությունների զարգացման հատկանշական փուլում՝ տնտեսական գլոբալիզացիայի և նոր աշխարհակարգի սահմանման գործընթացների պայմաններում, նշեց վարչապետը: Այս տեսակետից Հայաստանի Հանրապետությունը բարձր է գնահատում այն պատրաստակամությունը, որով ՉԺՀ-ն ձեռնամուխ եղավ միջազգային համայնքի նոր անդամի հետ խաղաղ գոյակցության հինգ հայտնի սկզբունքների վրա խարսխված իրավահավասար և փոխշահավետ երկկողմ հարաբերությունների հաստատմանը: Այսօր, Հայաստանի և Չինաստանի միջև ձևավորված քաղաքական հարաբերությունները կարող են լավագույն օրինակը համարվել ստեղծվելիք նոր և արդարացի աշխարհակարգում երկու հնագույն քաղաքակրթություններ ներկայացնող փոքր և մեծ ինքնիշխան պետությունների իրավահավասար համագործակցության համար: Հայաստանը կարևորում է այն փաստը, որ Չինաստանը՝ հանդիսանալով հզորագույն տերություն միջազգային ասպարեզում, վճռականորեն ժխտում է հեգեմոնիզմի բոլոր դրսևորումները և հանդես է գալիս միջազգային համայնքի բոլոր անդամների, ժողովուրդների ինքնիշխան իրավունքների հարգման, բազմաբևեռ և բազմազան աշխարհի պահպանման դիրքերից: Կարծում եմ, որ մեր ժողովուրդների ավանդական բարեկամության ամրապնդումը և զարգացումը ավելի են բազմազան դարձնում նոր աշխարհը:

Անդրադառնալով հայ-չինական հարաբերությունների ներկա իրավիճակին, Անդրանիկ Մարգարյանը նշեց, որ դրանք մշտապես գտնվում են վերելքի մեջ՝ հիմնվելով բարձր մակարդակի հայ-չինական քաղաքական երկխոսության վրա:

Մեծ կարևորություն հաղորդելով երկկողմ քաղաքական և տնտեսական համագործակցության անշեղ զարգացմանը՝ Հայաստանի Հանրապետությունը Չինաստանի հետ հարաբերությունները դիտարկում է իր արտաքին քաղաքականության կարևոր առաջնայնությունների շարքում:

Անցած տարիների ընթացքում հայ-չինական երկկողմ համագործակցությունը ընդգրկել է պետական և հասարակական կյանքի գրեթե բոլոր ոլորտները՝ այդ թվում մշակութային, կրթության, գիտության և տնտեսության բնագավառները: Համատեղ ջանքերով ձևավորվել է լուրջ իրավական դաշտ: Վարչապետը հավաստիացրեց, որ ՀՀ կառավարությունը հաստատակամ է խորացնելու համագործակցությունը նշված և նոր ոլորտներում:

Տնտեսության բնագավառում լայնամասշտաբ համագործակցության հնարավորությունների մասին են վկայում մի շարք ճյուղերում մշակվող և ներկայումս արդեն իսկ իրականացման փուլում գտնվող ծրագրերի առկայությունը: Չինական ընկերությունները մեծ հետաքրքրություն են ցուցաբերում Հայաստանի տնտեսության զարգացման համար համապետական նշանակություն ունեցող ենթակառուցվածքային վերակառուցումների ծրագրերին մասնակցությանը: Այս տեսակետից Ա.Մարգարյանը առանձնապես կարևորեց էներգետիկայի և քիմիայի բնագավառներում գործնական արդյունքների ձեռքբերումը:

Վարչապետն առանձնակի գոհունակությամբ նշեց նաև մշակույթի և կրթության բնագավառում արձանագրված ձեռքբերումները, որոնք վկայում են մեր երկու ժողովուրդների ավանդական բարեկամության շարունակման և զարգացման պատրաստակամության մասին:

ՉԺՀ նախագահ Ձյան Ձեմինը, շնորհակալություն հայտնելով ՀՀ վարչապետին ջերմ խոսքերի և հրավերի համար, միաժամանակ խնդրեց իր ողջույններն ու փոխադարձ բարեմաղթանքները հաղորդել Հայաստանի նախագահին և խոստացավ երկու կողմերի համար հարմար ժամանակ այցելել Հայաստան: ՉԺՀ նախագահը, անդրադառնալով հայ և չին ժողովուրդների՝ դեռևս մ.թ. II դարից եկող և խոր արմատներ ունեցող բարեկամությանը, հիացմունքով խոսեց հայ ժողովրդի աշխատասիրության, հմտության, նրա մշակույթի, կրթության, գիտական ներուժի մասին՝ հիշատակելով Այվազովսկու կտավներն ու Արամ Խաչատրյանի աշխարհահռչակ երաժշտությունը: Ըստ Ձյան Ձեմինի, չնայած ՀՀ-ի և ՉԺՀ-ի միջև դիվանագիտական հարաբերությունների հաստատումից շատ ժամանակ չի անցել, բայց երկու երկրների հարաբերություններն ակտիվ են զարգանում: Անդրադառնալով համագործակցության համար նախընտրելի այն ոլորտներին, որոնց մասին վարչապետ Անդրանիկ Մարգարյանը նշեց իր խոսքում, ԶԺՀ նախագահը դրանք իսկապես հեռանկարային համարեց: Ձյան Ձեմինը ուրախությամբ փաստեց, որ Չինաստանի կոմունիստական կուսակցությունը ջերմ բարեկամական և սերտ գործընկերական կապեր է հաստատել Հայաստանի Հանրապետական կուսակցության հետ:

ՀՀ վարչապետի հետ հանդիպմանը ՉԺՀ նախագահը խոսեց նաև իր երկրի տնտեսության, նրա հիմնախնդիրների և առաջիկա ծրագրերի մասին:

Այսօր կողմերն ընդունեցին Համատեղ կոմյունիկե:

 

Հոկտեմբեր 2021
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ