հինգշաբթի, 30 նոյեմբերի 2000
Նույն օրը, գագաթաժողովի շրջանակներում, տեղի ունեցավ ՀՀ վարչապետ Անդրանիկ Մարգարյանի հանդիպումը Ուկրաինայի վարչապետ Վիկտոր Յուշչենկոյի հետ:
2001 թ. առաջին կիսամյակում նախատեսվում է ՀՀ վարչապետի պաշտոնական այցը Ուկրաինա: Այցի ընթացքում կարևորվում է «2000-2009 թթ. ընթացքում Հայաստան-Ուկրաինա տնտեսական համագործակցության վերաբերյալ միջկառավարական համաձայնագրի և նրա Միջոցառումների ծրագրի ստորագրումը»:
Հայաստանի Հանրապետությունը հույս է հայտնում, որ միջկառավարական տնտեսական հանձնաժողովի նիստը և մի շարք ստորագրվելիք փաստաթղթերը խթան կհանդիսանան երկու երկրների միջև փոխշահավետ տնտեսական հարաբերությունների զարգացմանը: Նախապատվություն տալով երկկողմ տնտեսական համագործակցությանը, Հայաստանը մեծ նշանակություն է տալիս միջկառավարական տնտեսական հանձնաժողովի աշխատանքի արդյունավետության բարձրացմանը: Հանձնաժողովի հերթական՝ երկրորդ նիստը պետք է տեղի ունենար մայիսի վերջին Երևանում, սակայն ուկրաինական կողմի խնդրանքով հետաձգվել է և տեղի կունենա 2001 թ. հունվարին, Երևանում:
Հայաստանի Հանրապետությունը խիստ նպատակահարմար է գտնում ԱՊՀ շրջանակներում Ազատ առևտրի գոտու ձևավորման խնդիրը և ՝ տվյալ հարցում պաշտպանում է ուկրաինական կողմի ձգտումը՝ հարցի հաստատումը արագացնելու նպատակով:
