Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

կիրակի, 4 հուլիսի 2021

Փոխվարչապետի պաշտոնակատար Տիգրան Ավինյանի շնորհավորական ուղերձը ԱՄՆ պետքարտուղար Էնթոնի Բլինկենին

Մեծարգո պարոն Քարտուղար,

Իմ սրտագին շնորհավորանքն եմ հղում Ձեզ Անկախության օրվա առթիվ:

Հուլիսի 4-ը միշտ եղել է ոչ միայն տոն, այլ նաև հիշատակի օր, երբ միլիոնավոր ամերիկացիներ հարգանքի տուրք են մատուցում ազատությանը` ոգեկոչելով ազատության ճանապարհին կատարված զոհաբերությունները: Հենց այս ոգին էր, որ Ամերիկայի ժողովրդին դրդեց համագործակցել այլ ժողովուրդների հետ և սատարել բարեկեցիկ ապագայի նրանց ձգտումները:

Մի քանի ամիս անց Հայաստանը և Միացյալ Նահանգները կնշեն դիվանագիտական հարաբերությունների 30-ամյակը, և այս համատեքստում ես կցանկանայի իմ գնահատանքն արտահայտնել վերջին երեք տասնամյակների ընթացքում Միացյալ Նահանգների կառավարության կողմից մեր երիտասարդ ժողովրդավարությանը տրամադրված շարունակական աջակցության համար: Ընդհանուր արժեքային համակարգն այն հենքն է, որի վրա խարսխված են մեր հարաբերությունները:

Ամերիկայի Միացյալ Նահանգները Հայաստանի համար միշտ կարևոր գործընկեր է եղել անվտանգային հարցերում: Որպես ԵԱՀԿ Մինսկի խմբի համանախագահ` ԱՄՆ-ի հանձնառությունը չափազանց կարևոր է մեզ համար. հատկապես այժմ, երբ մեր առջև դեռևս ծառացած են նախորդ տարի Արցախի ժողովրդի դեմ Ադրբեջանի ագրեսիայի ծանր հետևանքները:

Ակնկալում ենք, որ Միացյալ Նահանգները նոր ջանքեր կգործադրի ԵԱՀԿ Մինսկի խմբի համանախագահության ձևաչափում Լեռնային Ղարաբաղի հիմնախնդրի արդարացի և համապարփակ կարգավորման ուղղությամբ` ելնելով հանրահռչակ սկզբունքներից. այն է ` հավասար իրավունքներ բոլորի համար և ժողովուրդների ինքնորոշում:

Ամերիկայի Միացյալ Նահանգները դարձավ Հայոց ցեղասպանությունից մազապուրծ հարյուր հազարավոր հայերի տունը: Այս առումով, այս տարի ապրիլի 24-ին Նախագահ Բայդենի կողմից Հայոց ցեղասպանության ճանաչումը` ի լրումն ԱՄՆ Կոնգրեսի ավելի վաղ ընդունած բանաձևերի, կծառայի ամբողջ աշխարհում պատմական արդարության ու ճշմարտության հաստատման և ցեղասպանությունների կանխարգելման գործին:

Համավարակը մեծ վնասներ է պատճառել ամբողջ աշխարհին` ազդելով նաև մեր երկու երկրների վրա: Մենք ողջունում ենք Ձեր վարչակազմի ջանքերը Միացյալ Նահանգներում պատվաստումների արդյունավետ արշավ կազմակերպելու ուղղությամբ և Ձեր ներդրումը պատվաստումների համաշխարհային ջանքերում:

Թույլ տվեք մեկ անգամ ևս շնորհավորել Ձեզ Անկախության օրվա կապակցությամբ` մաղթելով Ձեզ և բոլոր ամերիկացիներին ուրախ տոն:

 

Սեպտեմբեր 2021
ԵրկԵրքՉրքՀնգՈւրՇբթԿրկ
 12345
6789101112
13141516171819
20212223242526
27282930 

-

Արխիվ