ուրբաթ, 24 դեկտեմբերի 2004
Այսօր տեղի է ունեցել ՀՀ կառավարության բարեգործական ծրագրերի համակարգման հանձնաժողովի հերթական նիստը, որը վարել է հանձնաժողովի նախագահ Ս. Տեր Սիմոնյանը:
Հանձնաժողովը քննարկել է 3 բարեգործական ծրագիր: Մասնավորապես, քննարկվել և հաստատվել են Գիտության և առաջատար տեխնոլոգիաների ազգային հիմնադրամի կողմից ՀՀ գիտությունների ազգային Ակադեմիայի ֆիզիկական հետազոտությունների ինստիտուտում և Երևանի պետական համալսարանում իրականացվող ծրագրերը, «Մինասյան» առողջապահական բարեգործական հիմնադրամի կողմից իրականացվող ծրագիրը, որով նախատեսվում է սոցիալապեսանապահով հիվանդների ախտորոշում, բուժում և դեղորայքի անվճար տրամադրում:
Քննարկվել են նաև նախկինում հաստատված բարեգործական ծրագրերի շրջանակներում իրականացվող հարակից գործարքներ, որոնցով նախատեսվում է «Վորլդ Վիժն Ինթերնեյշնլ» կազմակերպության կողմից Կապանի N6 մանկապարտեզի շենքի և Երևանի «Երեխաների պաշտպանության ծրագրի շենքի» վերանորոգման, «Արաբկիր» միացյալ մանկական բարեգործական հիմնադրամի կողմից «ԱրԲԵՍ» ցերեկային խնամքի և բուժման կենտրոնի շենքի շինարարության, «Հայ դպրոց» հիմնադրամի կողմից սահմանամերձ դպրոցների համար կահույքի պատրաստման աշխատանքների իրականացում:
Նիստում քննարկվել և հաստատվել են նաև տարբեր կազմակերպությունների հասցեներով ուղարկված բեռների ներմուծման ծրագրեր, այդ թվում՝ ՀՀ առողջապահության նախարարության, «Հայաստան» համահայկական հիմնադրամի, «Կանայք երկխոսության կողմնակից» հասարակական կազմակերպության, «Հայաստանի ֆուտբոլի ֆեդերացիա» իրավաբանական անձանց միության հասցեներով ուղարկված բարեգործական բեռների և Ֆրանսահայ բարերար Հակոբ Հակոբյանի կողմից ուղարկված անհատույց բաշխման համար ստացված բեռի բաշխման մասին որոշումները:
