ուրբաթ, 17 հուլիսի 2020
ՀՀ կրթութան տեսչական մարմինը շարունակում է ստուգայցերը
ՀՀ կրթության տեսչական մարմինն այսօր ուժեղացված վերահսկողությամբ ստուգայցերը շարունակել է մայրաքաղաքի Էրեբունի վարչական շրջանի մանկապարտեզներում։ Խստագույնս վերահսկվում է պարետի կողմից սահմանված կանոնների պահպահմանն ուղղված աշխատանքների կատարումը՝ այդ թվում ջերմաչափման, սպասքի լվացման, երեխաների ուսուցման և ժամանցի կազմակերպման հետ կապված հարցերը: Հարկ է նշել, որ Կրթության տեսչական մարմնի ներկայացուցիչները ստուգայցերի ընթացքում հաստատությունների տնօրեններին տալիս են խորհրդատվություն և ցուցումներ՝ ինչպիսի գործունեություն իրականացնել համավարակի տարածումը կանխելու համար:
Կրթության տեսչական մարմինը տեղեկացնում է, որ վերջին շրջանում խախտումների նվազման միտում է նկատվում:
Մշտադիտարկումները լինելու են շարունակական և խստացված ռեժիմով, ուստի Կրթության տեսչական մարմինը հորդորում է պահպանել հակահամարճարակային կանոններն ու հետևել ՀՀ պարետի ցուցումներին: Ստացված ամբողջ տեղեկատվությունը ներկայացվում է պարետատուն:
