Հայաստանի Հանրապետության Կառավարություն

ՀՀ քաղաքաշինության, տեխնիկական և հրդեհային անվտանգության տեսչական մարմնի մասնագետները ՀՀ Ճանապարհային ոստիկանության կարգախմբերի հետ համատեղ հերթական անգամ ուժեղացված վերահսկողություն և մշտադիտարկումներ են իրականացրել Երևանի Մալաթիա-Սեբաստիա վարչական շրջանում՝ հանրային տրանսպորտում ՀՀ Պարետի կողմից ամրագրված անվտանգության կանոնների պահպանման նկատմամբ։

Վերահսկողության արդյունքում կանոնավոր երթուղիներում հայտնաբերվել են տրանսպորտային միջոցներ, որոնցում բացակայել է ախտահանիչ հեղուկը, իսկ մարդատար-տաքսի ավտոմոբիլներով ուղևորափոխադրման համակարգում հայտնաբերվել են առջևի նստատեղերում ուղևորի առկայության դեպքեր և վարորդներ, որոնք եղել են առանց պաշտպանիչ դիմակի։

Նշված բոլոր խախտումների հիմքով կազմվել են վարչական իրավախախտման վերաբերյալ արձանագրություններ, ինչպես նաև Տեսչական մարմնի մասնագետների կողմից վարորդների և ուղևորների շրջանում իրականացվել են ամենօրյա ակտիվ իրազեկման և բացատրական աշխատանքներ` ՀՀ պարետի որոշման պահանջները խստագույնս հետևելու նպատակով:

Հավելենք, որ Տեսչական մարմնի կողմից վերահսկողական գործառույթները կրում են ամենօրյա և շարունակական բնույթ: