Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

ուրբաթ, 24 սեպտեմբերի 2004


ՀՀ վարչապետ Անդրանիկ Մարգարյանն այսօր ընդունել է Ռուսաստանի Դաշնության գիտությունների ակադեմիայի Հարավային գիտական կենտրոնի նախագահ, ակադեմիկոս Գենադի Մատիշովին և նրա գլխավորած պատվիրակությանը:


Ողջունելով պատվիրակության անդամներին, վարչապետը նշել է Հայաստանի և Ռուսաստանի միջև նախկինում եղած գիտական կապերի վերականգնման և համագործակցության շարունակման կարևորությունը, ինչը միաժամանակ կնպաստի նաև հայ-ռուսական երկկողմ հարաբերությունների զարգացմանը: Անդրանիկ Մարգարյանն այդ ուղղությամբ կատարված դրական քայլ է համարել այս տարվա հունիսին Հայաստանի գիտությունների ազգային ակադեմիայի և Ռուսաստանի Դաշնության գիտությունների ակադեմիայի Հարավային գիտական կենտրոնի միջև՝ գիտության և տեխնոլոգիաների բնագավառում համագործակցության վերաբերյալ համաձայնագրի ստորագրումը: Այդ փաստաթղթով, որպես երկկողմ հետաքրքրություն ներկայացնող ուղղություններ, նշվում են Սևանա լճի բնապահպանական վիճակի ուսումնասիրմանն ու բնականոն կենսագործունեության վերականգնմանը, բարձր արտադրողականության հաշվարկային համակարգերի ստեղծմանը, աստղաֆիզիկային, էներգետիկային առնչվող ոլորտները: Ակադեմիկոս Գենադի Մատիշովն ընդգծել է, որ երկու երկրների գիտության և տեխնոլոգիաների զարգացման միտումներն ու ուղղությունները համընկնում են, ինչը հնարավորություն է տալիս երկուստեք առաջադրել իրատեսական խնդիրներ, նպատակներ և արդյունավետորեն լուծել դրանք: Նա կարևորել է երկկողմ համագործակցությունը նաև հասարակական գիտությունների, մասնավորապես, տարածաշրջանային քաղաքականության հետազոտության բնագավառում:


Վարչապետ Անդրանիկ Մարգարյանը հավաստել է Հայաստանի կառավարության պատրաստակամությունը հնարավորինս աջակցելու երկու երկրների գիտական կենտրոնների միջև փոխգործակցության ակտիվացման ջանքերին, դրանում կարևորելով նաև Տնտեսական համագործակցության հարցերով հայ-ռուսական միջկառավարական հանձնաժողովի դերը:




Դեկտեմբեր 2019
ԵրկԵրքՉրքՀնգՈւրՇբթԿրկ
 1
2345678
9101112131415
16171819202122
23242526272829
3031 

-

Արխիվ