Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

չորեքշաբթի, 26 հունիսի 2019

Կայացել է «Հայաստանում ընտրական գործընթացների աջակցություն ծրագրերի» ղեկավար հանձնաժողովի նիստը


Փոխվարչապետ Մհեր Գրիգորյանի նախագահությամբ այսօր Կառավարությունում կայացել է «Հայաստանում ընտրական գործընթացների աջակցություն ծրագրերի» ղեկավար հանձնաժողովի նիստը: Նիստին մասնակցել են ՄԱԿ զարգացման ծրագրի մշտական ներկայացուցիչն ու «Հայաստանում ընտրական գործընթացների աջակցություն» ծրագրերի շրջանակներում աջակցություն ցուցաբերած երկրների դեսպաններն ու դեսպանությունների ներկայացուցիչները:

Նիստի սկզբում փոխվարչապետ Մհեր Գրիգորյանը և ՄԱԶԾ մշտական ներկայացուցիչ Դմիտրի Մարյասինը ողջույնի խոսքով են հանդես եկել: Փոխվարչապետը բարձր է գնահատել Եվրոպական միության, Գերմանիայի, Միացյալ Թագավորության և Շվեդիայի աջակցությամբ իրականացված առաջին ծրագիրը, որը միտված էր աջակցելու 2018թ․ ԱԺ արտահերթ խորհրդարանական ընտրությունների անցկացմանը: Մհեր Գրիգորյանը կարևորել է նաև Ճապոնիայի ֆինանսավորմամբ իրականցվող երկրորդ ծրագրի մեկնարկը, որն ուղղված է հետընտրական փուլում ընտրական մարմինների կարողությունների զարգացմանն ու ամրապնդմանը։ Փոխվարչապետը կառավարության անունից երախտագիտություն է հայտնել ՄԱԿ զարգացման ծրագրին և «Հայաստանում ընտրական գործընթացների աջակցություն» ծրագրերում ներգրավված պետությունների դեսպաններին իրենց անձնական ներգավվածության և ընտրական մարմինների երկարաժամկետ և համապարփակ հզորացմանը ու կայունության ամրապնդմանը միտված գործընթացում մասնակցության համար։ Ըստ փոխվարչապետի՝ ընտրական մարմինների ինստիտուցիոնալ երկարաժամկետ զարգացումը առաջնային նպատակներից մեկն է:

Դմիտրի Մարիյասինը ևս կարևորել է ծրագրերի իրականացումն ու արձանագրել արդյունավետ համագործակցությունը Կառավարության հետ, ինչից հետո խոսքը փոխանցել ծրագրի գլխավոր խորհրդականին, ով հակիրճ ներկայացրել է ծրագրի ընթացքի և հետագա քայլերի մասին:

Այնուհետև նիստը շարունակվել է հարց ու պատասխանի ձևաչափով:

Նիստի ավարտից հետո տեղի է ունեցել 2018թ․ ԱԺ արտահերթ խորհրդարանական ընտրությունների ընթացքում կիրառված տեխնիկայի փոխանցման վերաբերյալ ընդունման և հանձնման ակտերի ստորագրության պաշտոնական արարողությունը: Փաստաթղթերը ստորագրել են ՄԱԶԾ մշտական ներկայացուցիչ Դմիտրի Մարյասինը և Վարչապետի աշխատակազմի ղեկավար Էդուարդ Աղաջանյանը: 

Նոյեմբեր 2019
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
252627282930 

-

Արխիվ