Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երեքշաբթի, 28 մայիսի 2019

Փոխվարչապետ Տիգրան Ավինյանը Ապարանում մասնակցել է Հանրապետության տոնին նվիրված միջոցառմանը




Մայիսի 28-ին ՀՀ փոխվարչապետ Տիգրան Ավինյանը Ապարան քաղաքում ներկա է գտնվել և ելույթ է ունեցել Հանրապետության տոնին նվիրված միջոցառմանը:

Շնորհավորելով ներկաներին` փոխվարչապետը, մասնավորապես, նշել է. «101 տարի առաջ հայ ժողովրդի հավաքական կամքն ու սեփական ուժերով իր ճակատագրի տերը լինելու վճռականությունը պարտադրեցին թշնամուն նահանջել և հիմքեր ստեղծեցին հայոց պետականության վերականգնման՝ Հայաստանի առաջին հանրապետության հռչակման համար: Այն ժամանակ խնդիր էր դրված ամրագրելու ապրելու մեր իրավունքը, ինչը մեր նախնիները իրականություն դարձրեցին: Գլուխ խոնարհելով այդ խնդիրը պատվով լուծած մեր հերոսների առջև՝ մենք վկայակոչում ենք մայիսյան հաղթանակների հիմքում ընկած արժեքները՝ խիզախությունը, հայրենասիրությունը և ազատատենչությունը:

Հզոր պետականություն, արդար և բարեկեցիկ հասարակություն ունենալը մեր ժողովրդի ներկա սերնդի կայացրած վճռական ընտրությունն է: Սա ևս բարդ ճանապարհ է, որն անցնելու համար մենք պետք է լինենք համախմբված, չհուսահատվենք ժամանակավոր դժվարություններից, շարունակենք հենվել մեզ առաջնորդող ազատատենչության, հայրենասիրության և խիզախության գաղափարների վրա:

Բաշ-Ապարանի ճակատամարտում տարած հաղթանակը յուրահատուկ է նաև նրանով, որ կողք կողքի կռվում էին մեր հասարակության բոլոր խավերը՝ հոգևորականությունը, բանակը, գյուղացիական աշխարհազորը, քաղաքական տարբեր հոսանքների, ազգային փոքրամասնությունների ներկայացուցիչները: Սա մի կարևոր պատգամ է, որ այսօր պետք է իրականություն դարձնենք՝ Հայաստանը վերածելով ներառական աճի վրա հիմնված երկրի, որի հաղթանակները կլինեն բոլորի հաղթանակը:

Մենք գիտակցում ենք մեզ վրա դրված պատասխանատվությունը, գիտակցում ենք, որ հանդիսանում ենք ձեր հավաքական կամքի կրողն ու չենք ընկրկելու ոչ մի դժվարության առջև, քանի դեռ հնարավոր չի դարձել լիարժեք կայացնելու մեր երազած պետությունը»:

 

Հունիս 2019
ԵրկԵրքՉրքՀնգՈւրՇբթԿրկ
 12
3456789
10111213141516
17181920212223
24252627282930

-

Արխիվ