Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

չորեքշաբթի, 15 մայիսի 2019

Փոխվարչապետ Տիգրան Ավինյանը ելույթ է ունեցել «Աշխատիր Հայաստան» ծրագրի մեկնարկին և Աշխատանքի միջազգային կազմակերպության հարյուրամյակին նվիրված միջոցառմանը






Մայիսի 15-ին ՀՀ փոխվարչապետ Տիգրան Ավինյանը ներկա է գտնվել «Աշխատիր Հայաստան» ծրագրի մեկնարկին և Աշխատանքի միջազգային կազմակերպության հարյուրամյակին նվիրված միջոցառմանը:

Ողջունելով ներկաներին և շնորհավորելով Աշխատանքի միջազգային կազմակերպության հարյուրամյա տարեդարձը՝ փոխվարչապետը նշել է, որ այսօր հայտարարված է կառավարության նոր նշաձողի` տնտեսական հեղափոխության մասին, որի վերջնական արդյունքը լինելու է ներառական տնտեսական համակարգի կայացումը` հիմնված մարդու աշխատանքի և արդյունավետ գործող կառավարման համակարգի վրա:

Այս համատեքստում փոխվարչապետն ընդգծել է, որ «Աշխատիր Հայաստան» ծրագիրը կարևոր քայլ է ներառական տնտեսական զարգացում ապահովելու ճանապարհին` հավելելով, որ այս նախաձեռնությամբ կառավարությունը փորձել է սահմանել ռազմավարական այն առաջնահերթությունները, որոնց ուղղությամբ պետությունը մասնավոր հատվածի, քաղաքացիական հասարակության և միջազգային գործընկերների հետ կենտրոնացնելու է իր ջանքերը` ապահովելու մարդու կյանքի որակի շարունակական բարելավում` աշխատանքի և մասնագիտական ինքնաիրացման ճանապարհով:

Ելնելով այս տեսլականից` ծրագիրը կառուցվել է երեք հենասյուների վրա` մարդկային կապիտալի զարգացում, զբաղվածության խթանում և ինստիտուցիոնալ բարեփոխումներ, որոնցից յուրաքանչյուրի ուղղությամբ պետությունը չափելի և թիրախային քաղաքականություն է իրականացնելու:

Տիգրան Ավինյանն ընդգծել է, որ ծրագրի շրջանակներում որոշումների կայացումը լինելու է թափանցիկ, գործընթացը` հաշվետու: «Աշխատիր Հայաստան» ծրագիրը պարբերաբար վերանայվելու է` հիմք ընդունելով ծրագրի ընթացքի արդյունավետությունը, փորձագետներից և հանրությունից ստացված արձագանքը:

Ավարտելով ելույթը Տիգրան Ավինյանը նշել է, որ այս համարձակ գործընթացում ակնկալվում է բոլորի ակտիվ մասնակցությունը և նախաձեռնողականությունը, ինչը թույլ կտա հանրային համաձայնության միջոցով ավարտին հասցնել տնտեսական հեղափոխության սահմանած հավակնոտ նպատակը` ներառական տնտեսական զարգացումը:

Միջոցառման ընթացքում ելույթներով հանդես են եկել նաև ԱՄԿ Եվրոպայի և Կենտրոնական Ասիայի տարածաշրջանային գրասենյակի տնօրեն Հայնց Քոլլերը, ՀՀ աշխատանքի և սոցիալական հարցերի նախարար Զարուհի Բաթոյանը, ՀՀ տնտեսական զարգացման և ներդրումների նախարար Տիգրան Խաչատրյանը և ՀՀ կրթության և գիտության նախարարի տեղակալ Արևիկ Անափիոսյանը:

Ներկայացվել են «Աշխատիր Հայաստան» ծրագրի շրջանակներում նախատեսվող միջոցառումները, ծրագրի նպատակների իրականացման գործում պետություն-մասնավոր հատված-քաղաքացիական հասարակություն-միջազգային գործընկերներ համագործակցության մեխանիզմների արդյունավետության բարձրացման ուղղված քայլերը:
 

Հուլիս 2019
ԵրկԵրքՉրքՀնգՈւրՇբթԿրկ
1234567
891011121314
15161718192021
22232425262728
293031 

-

Արխիվ