Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

ուրբաթ, 3 մայիսի 2019

Փոխվարչապետ Տիգրան Ավինյանն ընդունել է ԱՄԷ պետնախարարին



Մայիսի 3-ին ՀՀ փոխվարչապետ Տիգրան Ավինյանն ընդունել է Հայ-էմիրաթական միջկառավարական համատեղ հանձնաժողովի համանախագահ, Արաբական Միացյալ Էմիրությունների պետնախարար Ահմեդ Ալի Ալ-Սայեղին:

Ողջունելով հյուրին՝ փոխվարչապետ Ավինյանը նշել է, որ Հայաստանի համար կարևոր նշանակություն ունի բարեկամ ԱՄԷ-ի հետ տնտեսական կապերի հետագա զարգացումը: Այս կապակցությամբ փոխվարչապետը հույս է հայտնել, որ միջկառավարական հանձնաժողովի ընթացիկ նիստը թույլ կտա տարբեր ոլորտներում մշակել փոխշահավետ համագործակցության նոր նախաձեռնություններ:

Շնորհակալություն հայտնելով հայկական կողմի ցուցաբերած ջերմ ընդունելության համար՝ ԱՄԷ պետնախարարը ներկայացրել է իր այցելության շրջանակներում նախատեսված միջոցառումներից և հանդիպումներից ակնկալվող հիմնական արդյունքները: Նա նշել է, որ Հայաստանի տնտեսության մեջ առկա են հեռանկարային մի շարք ոլորտներ, որոնց կապակցությամբ ԱՄԷ գործարարների կողմից ակտիվ հետաքրքրություն է ցուցաբերվում՝ ընդգծելով, որ ԱՄԷ կառավարությունը պատրաստ է աջակցելու երկու երկրների միջև գործարար կապերի զարգացման հարցում:

Երկուստեք նշվել է, որ Հայաստանը և ԱՄԷ-ը կարող են կամուրջ հանդիսանալ միմյանց համար՝ համապատասխանաբար Արաբական ծոցի տարածաշրջանի և ԵԱՏՄ-ի հետ առևտրական կապերի հաստատման ու զարգացման նպատակով: Տեղի է ունեցել մտքերի փոխանակում ԵԱՏՄ-ի և ԱՄԷ-ի միջև համագործակցության հնարավորությունների շուրջ:

Զրույցի ընթացքում հանգամանալից անդրադարձ է կատարվել էներգետիկայի, քաղաքաշինության, բանկային, տեղեկատվական տեխնոլոգիաների ոլորտներում համագործակցության խթանման գործնական քայլերին: ԱՄԷ պատվիրակության ուշադրությունն է հրավիրվել ներդրումների համար առավել գրավիչ ուղղությունների և ներդրումների խրախուսման համար կառավարության կողմից իրականացվող քայլերի վրա:

Գոհունակությամբ արձանագրելով զբոսաշրջության ոլորտում վերջին շրջանում գրանցված աճը՝ զրուցակիցները քննարկել են նաև տվյալ ոլորտում համագործակցության խորացման հետագա հնարավորությունները:

Նոյեմբեր 2019
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
252627282930 

-

Արխիվ