Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

չորեքշաբթի, 5 դեկտեմբերի 2018

ՀՀ փոխվարչապետի պաշտոնակատար Տիգրան Ավինյանը մասնակցեց Հայաստանի Շինարարների միության 4-րդ համագումարին



Դեկտեմբերի 5-ին ՀՀ փոխվարչապետի պաշտոնակատար Տիգրան Ավինյանը մասնակցեց Հայաստանի Շինարարների միության 4-րդ համագումարին:

Ողջունելով համագումարի մասնակիցներին՝ փոխվարչապետի պաշտոնակատարը ասաց, որ հայ շինարարները դարեր շարունակ կերտել են հրաշալի ճարտարապետական կոթողներ, անառիկ ամրոցներ, կամուրջներ ու ճանապարհներ՝ այդպիսով մեծապես նպաստելով հայ ժողովրդի տնտեսական բարեկեցությանը, ֆիզիկական անվտանգությանը, հոգևոր զարգացմանը և մտահորիզոնի ընդլայնմանը:

Տիգրան Ավինյանը նշեց, որ վերջին տարիների անկումային ցուցանիշներից հետո ոլորտը կայունացել և ոտքի է կանգնում: Շինարարության ընդհանուր ծավալները 2018 թվականի առաջին 10 ամսվա արդյունքներով աճել են 6,5 տոկոսով, այդ թվում` 25 տոկոսով աճել են պետական բյուջետային ֆինանսավորմամբ իրականացվող շինարարության ծավալները: Նա հավելեց, որ շինարարության ոլորտը մշտապես գտնվում է պետության ուշադրության կենտրոնում: Պետական մակարդակով քայլեր են ձեռնարկվում մարդկանց սեփական տանիք ունենալու և բնակարանային պայմանները բարելավելու իրավունքները կյանքի կոչելու ուղղությամբ: Մասնավորապես, առաջարկվում է «Երիտասարդ ընտանիքին՝ մատչելի բնակարան» հիփոթեքային ծրագրի շրջանակներում սահմանել նոր, արտոնյալ պայմաններ, ավելացնել ծրագրից օգտվելու համար տարիքային շեմը, իջեցնել վարկի տոկոսադրույքները:

Շարունակելով ելույթը՝ փոխվարչապետի պաշտոնակատարը նշեց, որ շինարարության ոլորտում այսօր առկա են բազմաթիվ խնդիրներ, որոնք լուծում են պահանջում: Բարելավման կարիք ունի շինարարության ոլորտում գնումների գործընթացը՝ գնահատման չափորոշիչների վերանայմամբ: Բացի այդ, հարկավոր է մշակել մեխանիզմ, որպեսզի հայաստանյան շինարարական կազմակերպությունները մասնակցեն միջազգային շինարարական մրցույթներին, հայկական շուկայում ներդնեն նախագծման և շինարարության նոր տեխնոլոգիաներ:

Տիգրան Ավինյանը նշեց, որ այս տարի լրանում է 1988թ. աղետալի երկրաշարժի 30-րդ տարելիցը: Չնայած իրականացված աշխատանքներին՝ աղետի գոտում դեռևս կան անօթևան ընտանիքներ: Վերջերս կառավարությունը հավանության արժանացրեց 2018 թվականի պետական բյուջեով նախատեսված հատկացումների հաշվին աղետի գոտու բնակավայրերում երկրաշարժի հետևանքով անօթևան մնացած ընտանիքների բնակարանային ապահովման պետական աջակցության միջոցառումների ծրագիրը։ Դրա համաձայն՝ լուծվելու է Լոռու մարզի գյուղական բնակավայրերում երկրաշարժի հետևանքով անօթևան մնացած 44 ընտանիքի բնակարանային խնդիր: Փոխվարչապետի պաշտոնակատարը հավաստիացրեց, որ երկրաշարժի հետևանքով անօթևան մնացած ընտանիքների բնակարանային խնդիրների լուծմանն ուղղված պետական աջակցության ծրագիրը նոր թափ է ստանալու: Կառավարության 2018-2022 թվականների գործունեության միջոցառումների ծրագրով նախատեսված է բնակարանային աջակցության ծրագիրն ավարտել մինչև 2020 թվականի տարեվերջ:

Ավարտելով ելույթը՝ փոխվարչապետի պաշտոնակատարը ընդգծեց, որ համագումարն առիթ է ոչ միայն կատարված աշխատանքներն ամփոփելու ու առաջիկա անելիքները նշելու, այլև նոր շունչ հաղորդելու պետություն – հասարակական կառույց – գործարար համայնք համագործակցությանը: Այս առումով գնահատելի է այն դերը, որն ունի Շինարարների միությունը կառավարության կողմից մշակվող և իրականացվող ծրագրերում, ընդ որում, կառավարությունը մեծապես հաշվի է նստում շինարարների կարծիքի հետ ոլորտի քաղաքականությունը մշակելիս:

 

Մարտ 2024
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ