Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

չորեքշաբթի, 22 օգոստոսի 2018

Փոխվարչապետ Տիգրան Ավինյանը աշխատանքային այցով Լոռու մարզում էր








ՀՀ փոխվարչապետ Տիգրան Ավինյանի գլխավորած պատվիրակությունը օգոստոսի 22-ին աշխատանքային այցով ՀՀ Լոռու մարզում էր:

Փոխվարչապետի առաջին կանգառը Գոգավան-Պրիվոլնոյե մաքսային կետն էր: Մարզի ղեկավարության և Մաքսատան պետ Սարգիս Սուքիասյանի ուղեկցությամբ նախ պատվիրակության անդամները շրջեցին մաքսատան տարածքում, այնուհետև ծանոթացան անցակետերում կատարվող աշխատանքներին: Քննարկվեց նաև Հայատան-Վրաստան չեզոք գոտու՝ Գոգավան մաքսային կետից դեպի Վրաստան տանող 15-20 կմ ճանապարհահատվածի վերակառուցման հարցը, որի լուծման արդյունքում նեկրայիս 600-630 մեքենայի փոխարեն մաքսային կետը հնարավորություն կունենա ամսական սպասարկելու 1000 մինչև 1100 մեքենա:

Հաջորդ կանգառը ՀՀ Լոռու մարզպետարանն էր: Փոխվարչապետ Տիգրան Ավինյանը, ողջունելով ներկաներին, նշեց, որ իր պաշտոնավարման ընթացում առաջին անգամ է այսպիսի աշխատանքային այցով Լոռու մարզում: Նա վստահեցրեց, որ տնտեսական ակտիվության ցուցանիշն իր արձագանքն է գտնելու նաև այս մարզում, քանի որ այն ունի լայն հնարավորություններ զարգացնելու արդյունաբերությունը, մասնավորապես՝ թեթև և տեխնոլոգիական: Փոխվարչապետը նշեց նաև, որ ներդրումներ կատարելու տեսանկունից ՀՀ Լոռու մարզը լինելու է առաջիններից: Հարկային մարմինների ներկայացուցիչների հետ քննարկվեցին խոշոր գործարարներին հարկային դաշտ բերելու հետ կապված որոշ հարցեր: Փոխվարչապետը հորդորեց ընտրել բանակցությունների ճանապարհը՝ գործարարներին հարկային դաշտ բերելու նպատակով: Ինչպես նա նշեց, Հայաստանում գործարարությամբ զբաղվելը խրախուսվում է, բայց ստվերում գտնվելը՝ ոչ: Խորհրդակցության ընթացքում անդրադարձ կատարվեց նաև ՀՀ Լոռու մարզում պետական աջակցությամբ իրականացվելիք ծրագրերին: Հրատապ ծրագրերի շրջանակներում նախատեսվում է իրականացնել շուրջ 440 մլն դրամի աշխատանքներ, իսկ սուբվենցիոն ծրագրերով՝ շուրջ 648 մլն դրամի:

Թեղուտի շահագործման դադարեցման վերաբերյալ փոխվարչապետը պարզաբանեց, որ այս պահի դրությամբ բանակցություններ են ընթանում գլխամասային «ՎՏԲ բանկի» և «Վալլեքս» ընկերության միջև: Նրա խոսքով խնդիրը կապված է նախկինում պոչամբարի և պատվարի վերաբերյալ տրված տեխնիկական սխալ գնահատկանի հետ և կառավարությունն ամեն կերպ փորձում է բանակցային գործընթացն արագացնել:

«Այս բանակցությունների արդյունքում «Վալլեքսը» կամ կշարունակի շահագործել Թեղուտը կամ կգա նոր ընկերություն, որը կշարունակի վերագործարկումը: Պոչամբարի հետագա շահագործումը պահանջում է նոր, լրացուցիչ ներդրումներ: Այս խնդիրը գտնվում է կառավարության ուշադրության կենտրոնում: Այնուամենայնիվ, խնդիրը «Վալլեքսի» և «ՎՏԲ-ի» բանակցությունների արդյունքում պետք է լուծվի: Մենք պետք է ամեն ինչ անենք, որ հանգուցալուծումը շատ արագ տեղի ունենա»,- ասել է փոխվարչապետը:

Հաջորդիվ Տիգրան Ավինյանն այցելել է Վանաձոր քաղաքում գտնվող «Գլորիա» կարի ֆաբրիկա: Ընկերության տնօրեն Բագրատ Դարբինյանի գլխավորությամբ պատվիրակությունը շրջել է գործարանով, ծանոթացել ընկերության մեքենա-սարքավորումներին և աշխատակիցների առօրյա գործունեությանը: Ընկերության տնօրենը նշել է, որ ներկայումս ընթացքի մեջ է «Գլորիա» կարի ֆաբրիկայի նոր մասնաշենքի կառուցումը, որի ավարտից հետո նախատեսվում է աշխատողների թիվը հասցնել 3000-ի: Հումքը ներկրելով Եվրոպայից՝ ընկերությունն արտադրում է հագուստներ եվրոպական ըներությունների համար: Փոխվարչապետն ընկերության տնօրենի հետ քննարկեց նաև նոր ներդրումներ ներգրավելու հնարավորությունները:

Հաջորդ այցը Վանաձորի տեխնոլոգիական կենտրոն էր: Վանաձորի տեխնոլոգիական կենտրոնի տնօրեն Պատվական Հախինյանը պրեզենտացիայի միջոցով ներկայացրեց կենտրոնի գործունեությունը: Նրա խոսքով հիմնական ուղղություններն են հմտությունների զարգացումը, բիզնեսի զարգացումը, նոր ընկերությունների ձևավորումն ու կայացած ընկերությունների ներգրավումը, աշխատանքային տարածքների կառավարումը: Պատվական Հախինյանը փոխվարչապետին և պատվիրակության մյուս անդամներին ներկայացրեց ինժեներական և տեխնոլոգիական լաբարատորիաները, որտեղ իրականացվում են գաղափարների գեներացում և ծրագրերի կենսունակության գնահատում, արտադրանքի/ծրագրի նախանմուշի պատրաստում և փորձարկում, բիզնես պլաննների մշակում և այլն: Փոխվարչապետ Տիգրան Ավինյանն իր հերթին խոստացավ նոր ներդրումներ ներգրավելու միջոցով հնարավորինս աջակցել կենտրոնին՝ կյանքի կոչելու իրենց նորարարական գաղափարները:

Հաջորդ կանգառը «Սլացք» ՓԲԸ-ն էր: Ընկերության տնօրեն Աշոտ Ահարոնյանի հետ շրջայց կատարվեց գործարանում՝ տեղում ծանոթանալով հաստոցներին, արտադրական մեքենաներին և մյուս սարքավորումներին: Տնօրենի խոսքով ընկերությունն ունենալով 2 հա արտադրական տարածք՝ հիմնադրման օրից մրցունակ է եղել ամբողջ տարածաշրջանում: Գործարանում արտադրվել են մեքնաշինության համար նախատեսված ցանկացած դետալներ, ջեռուցման սարքեր, կաթսաներ, գազատաքցուցիչներ և այլն: Ներկայումս ընկերությունն աշխատում է Պաշտպանության նախարարության հետ՝ վերանորոգելով նախարարության «Զիլ» մակնիշի մեքենաները:

Եվ վերջում փոխվարչապետը նշել է, որ մարզային այցելությունները պարբերական բնույթ են կրելու:
 

Նոյեմբեր 2019
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
252627282930 

-

Արխիվ