Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երեքշաբթի, 26 սեպտեմբերի 2017

Քննարկվել են հայ-իրաքյան տնտեսական հարաբերությունների զարգացմանն ուղղված հարցեր




Վարչապետ Կարեն Կարապետյանն ընդունել է հայ-իրաքյան միջկառավարական հանձնաժողովի համանախագահ, Իրաքի գյուղատնտեսության նախարար Ֆալահ Հասան Զիդան ալ-Լուհայիբիի գլխավորած պատվիրակությանը:
Վարչապետը կարևորել է Իրաքի հետ հարաբերությունների շարունակական զարգացումը և վստահություն հայտնել, որ Երևանում տեղի ունեցած հայ-իրաքյան միջկառավարական հանձնաժողովի նիստը կնպաստի երկկողմ կապերի սերտացմանն ու ամրապնդմանը: Կարեն Կարապետյանը հեռանկարային է համարել գյուղատնտեսության, էներգետիկայի, զբոսաշրջության, կրթության ոլորտներում համագործակցությունը: «Մենք պետք է մաքսիմալ քայլեր ձեռնարկենք՝ երկու երկրների միջև ապրանքաշրջանառության ծավալների աճ ապահովելու համար, քանի որ դրա համար մեծ ներուժ ունենք»,- նշել է կառավարության ղեկավարը՝ կարևորելով միջկառավարական հանձնաժողովի ակտիվ աշխատանքն ու առևտրային պալատների միջև փոխգործակցության սերտացումը:
Ֆալահ Հասան Զիդան ալ-Լուհայիբին Կարեն Կարապետյանին է փոխանցել Իրաքի վարչապետի ջերմ ողջույններն ու բարեմաղթանքները՝ համոզմունք հայտնելով, որ Երևանում կայացած միջկառավարական հանձնաժողովի նիստը կնպաստի Հայաստանի ու Իրաքի միջև ավելի ամուր և խորը հարաբերությունների ձևավորմանը: Նա ընդգծել է, որ պատրաստ են ամեն ինչ անել՝ նիստի ընթացքում ձեռք բերված պայմանավորվածությունները կյանքի կոչելու համար, ինչը, նրա խոսքով, թույլ կտա կտրուկ ավելացնել երկկողմ առևտրաշրջանառության ծավալները: «Մենք շահագրգռված ենք ներմուծել հայկական մրցունակ և որակյալ գյուղատնտեսական և այլ ապրանքներ: Իրաքն ունի էելկտրաէներգիայի պակաս, և մենք կարող ենք քննարկել նաև Հայաստանում արտադրվող էլեկտրաէներգիայի արտահանման հարցը»,- ասել է միջկառավարական հանձնաժողովի իրաքյան կողմի համանախագահը: Նա կարևորել է նաև զբոսաշրջության ոլորտում համագործակցությունն ու իրաքցի ուսանողների՝ հայաստանյան բուհերում ուսում ստանալու համար բարենպաստ պայմանների ստեղծման հարցը: Այդ առումով Ֆալահ Հասան Զիդան ալ-Լուհայիբին անհրաժեշտ է համարել դիտարկել վիզային ռեժիմի դյուրացման հնարավորությունները:
Վարչապետ Կարապետյանը վստահություն է հայտնել, որ երկու երկրների միջև ձեռք բերված բոլոր պայմանավորվածությունները հնարավորինս արագ կյանքի կկոչվեն՝ ի շահ երկու ժողովուրդների:
 

Մայիս 2020
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ