Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

ուրբաթ, 30 հունիսի 2017

«Մենք մեծապես արժևորում ենք ԱՄՆ հետ մեր ամուր բարեկամությունն ու սերտ համագործակցությունը». ԱՄՆ անկախության օրվա առթիվ ՀՀ վարչապետն այցելել է ՀՀ-ում ԱՄՆ դեսպանություն










Վարչապետ Կարեն Կարապետյանն Ամերիկայի Միացյալ Նահանգների անկախության օրվա առթիվ այցելել է Հայաստանում ԱՄՆ դեսպանություն: Կառավարության ղեկավարը շնորհավորել է դեսպան Ռիչարդ Միլսին, դեսպանության աշխատակիցներին և Միացյալ Նահանգների բարեկամ ժողովրդին՝ ԱՄՆ անկախության 241-րդ տարեդարձի առթիվ:
Շնորհավորական ուղերձում վարչապետ Կարապետյանը նշել է.
«Հարգելի պարոն Միլս, տիկնայք և պարոնայք,
Հայաստանի Հանրապետության կառավարության և իմ անունից շնորհավորում եմ Ձեզ, պարոն դեսպան, դեսպանության աշխատակիցներին և Ամերիկայի Միացյալ Նահանգների բարեկամ ժողովրդին՝ Անկախության օրվա կապակցությամբ: Սա կարևորագույն տոն է ցանկացած ժողովրդի համար:
Այս տարի մեր երկու երկրների միջև դիվանագիտական հարաբերությունների հաստատման 25-ամյակն է, և դա լավ առիթ է մեր համատեղ անցած ճանապարհին հետադարձ հայացք նետելու համար: Լավ առիթ է ևս մեկ անգամ երախտագիտություն հայտնելու Միացյալ Նահանգների կառավարությանը և ժողովրդին՝ Հայաստանի անկախացումից ի վեր ցուցաբերված և ցուցաբերվող բազմաբնույթ օժանդակության համար:
Մենք մեծապես արժևորում ենք ԱՄՆ հետ մեր ամուր բարեկամությունն ու սերտ համագործակցությունը և ուրախ ենք, որ համատեղ ջանքերով այն շարունակական է և զարգանալու միտում ունի: Միացյալ Նահանգները Հայաստանի կարևոր առևտրատնտեսական գործընկերն է: Մենք հաջողությամբ համագործակցում ենք էներգետիկայի, տեղեկատվական տեխնոլոգիաների, գյուղատնտեսության և այլ ոլորտներում: Համագործակցության առաջխաղացման համար ունենք լավ հարթակներ՝ Հայ-ամերիկյան միջկառավարական հանձնաժողովը և Ներդրումների ու առևտրի շրջանակային համաձայնագրի խորհուրդը, որոնք կարող են լինել ավելի արդյունավետ:
Լիահույս ենք, որ մենք այս հարթակներն օգտագործելով՝ կարող ենք նպաստել ամերիկյան ներդրումները դեպի Հայաստան բերելու գործընթացին: Հայաստանը բարձր է գնահատում այն դերակատարությունը, որը Միացյալ Նահանգները՝ որպես ԵԱՀԿ Մինսկի խմբի համանախագահ ունի ղարաբաղյան հակամարտության խաղաղ կարգավորման գործընթացում:
Օգտվելով առիթից՝ ցանկանում եմ շնորհավորել նաև ԱՄՆ-ում բնակվող մեր հայրենակիցներին և ԱՄՆ քաղաքացիներին, ովքեր մեծապես նպաստում են մեր երկու ժողովուրդների բարեկամության ամրապնդմանը և մեծ ավանդ ունեն այդ գործում:
Ավարտելով խոսքս՝ ուզում եմ շնորհակալություն հայտնել հրավերի, ջերմ ընդունելության, այս մթնոլորտի համար: Պարոն դեսպանի թույլտվությամբ ցանկանում եմ խոսել մեր գործընկերային հարաբերությունների մասին: Իրականում մենք ունենք շատ լավ, աշխատանքային, գործընկերային, ազնիվ և անկեղծ հարաբերություններ: Շատ ուրախ եմ դրա համար և պատրաստակամ եմ այն շարունակել: Մենք շատ բաց և անկեղծ խոսում ենք մեզ հուզող բոլոր հարցերի վերաբերյալ:
Եվս մեկ անգամ շնորհավորում եմ և բոլորին մաղթում եմ լավ տրամադրություն»
:

 

Հոկտեմբեր 2020
ԵրկԵրքՉրքՀնգՈւրՇբթԿրկ
 1234
567891011
12131415161718
19202122232425
262728293031 

-

Արխիվ