Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

հինգշաբթի, 24 հունիսի 2004


Աշխատանքային այցով Գերմանիայի Դաշնային Հանրապետությունում գտնվող ՀՀ վարչապետ Անդրանիկ Մարգարյանն այսօր առավոտյան ԳԴՀ արդյունաբերողների միության Արևելյան հանձնաժողովի տնօրեն Քլաուս Մանգոլդի հետ հանդիպման ժամանակ քննարկել է տնտեսության մի շարք բնագավառներում՝ էներգետիկա, քիմիական արդյունաբերություն, գյուղատնտեսություն, բանկային համակարգ և այլն, համագործակցության հնարավորությունները: Պարոն Մանգոլդը հետաքրքրվել է մեր երկրի տնտեսական առաջնահերթություններով, փոքր ՀԷԿ-երի կառուցման ծրագրերով: Նա նշել է, որ իր կողմից գերմանական մի շարք ընկերությունների, իբրև հավանական գործընկերների, լրացուցիչ կփոխանցի հայաստանյան առաջարկները՝ փորձելով խթանել գործարարների միջև համագործակցությունն ու հայ-գերմանական տնտեսական հարաբերությունների զարգացումը:


Այնուհետև վարչապետը հանդիպել է Բեռլին երկրամասի խորհրդարանի նախագահ Վալթեր Մոմփերի հետ: Այս հանդիպման ժամանակ ևս վարչապետն առաջարկել է քննարկել Գերմանիայի առանձին երկրամասերի խորհրդարանների կողմից Հայոց ցեղասպանության ճանաչման հնարավորությունը, նշելով, որ Բեռլինի՝ որպես մայրաքաղաք- երկրամասի, խորհրդարանի նման որոշումը օրինակ կարող է հանդիսանալ մյուս երկրամասերի համար և, ի վերջո, խթանել ԳԴՀ Բունդեսթագում այդ հարցի քննարկումը: «Ես չեմ ճանաչում որևէ բանական մարդու, որը չասի, որ իրոք եղել է ցեղասպանություն: Գոնե գերմանացիները ճշգրիտ գիտեին, թե ինչ է կատարվում Թուրքիայում», - ասել է խորհրդարանի նախագահը, նշելով, որ հասկանալի չէ, թե ինչու մինչ այժմ Բունդեսթագը չի անդրադարձել այդ խնդրին: «Մենք կմտածենք, թե ինչպես քննարկման առարկա դարձնենք Հայոց ցեղասպանության խնդիրը Բունդեսթագում», - նշել է նա: Վարչապետը ողջունել է Վալտեր Մոմփերի նման դիրքորոշումը, ընդգծելով, որ ցեղասպանության ճանաչումը, բացի պատմական իրողության արձանագրումից, ունի նաև կանխարգելիչ նշանակություն, որպեսզի մարդկության դեմ ուղղված նման ոճրագործություններն այլևս չկրկնվեն:


Այս հանդիպման ժամանակ ևս անդրադարձ է եղել Հայաստանի եվրաինտեգրման գործընթացին, տարածաշրջանային իրավիճակին և ծրագրերին, Հայաստան-Թուրքիա և Հայաստան-Ադրբեջան հարաբերություններին, ԼՂՀ հակամարտության կարգավորման ընթացքին և այդ հարցում Հայաստանի դիրքորոշմանը: Վալթեր Մոմփերը հույս է հայտնել, որ առաջիկայում հաջողություններ կգրանցվեն ինչպես ԼՂՀ հակամարտության կարգավորման, այնպես էլ Թուրքիայի հետ Հայաստանի հարաբերությունների հաստատման գործում, մանավանդ որ, ըստ նրա, Թուրքիան պատրաստվում է դառնալ Եվրամիության անդամ, որտեղ ցանկացած անդամի համար հստակ խաղի կանոններ են գործում:


Անդրադառնալով կրթության բնագավառում համագործակցությանը, Անդրանիկ Մարգարյանը շնորհակալություն է հայտնել Բեռլինի խորհրդարանի ուսումնական հիմնադրամին՝ հայ ուսանողներին ևս կրթաթոշակ տրամադրելու համար: Վարչապետն առաջարկել է նաև միջխորհրդարանական կապեր հաստատել Բեռլինի և ՀՀ խորհրդարանների միջև, հատկապես տնտեսական և վարչական իրավունքի բնագավառներում՝ ԳԴՀ և Բեռլինի բազմամյա փորձը տվյալ բնագավառում հայկական իրականության մեջ կիրառելու նպատակով, նշելով, որ իր գլխավորած պատվիրակության կազմում այս օրերին Գերմանիայում էին նաև պատգամավորներ:


ՀՀ վարչապետի և Բեռլին երկրամասի խորհրդարանի նախագահի զրույցի ընթացքում քննարկվել են նաև օրենսդրական դաշտում համագործակցության խնդիրներ:


Հանդիպումից հետո վարչապետ Անդրանիկ Մարգարյանն այցելել է ԳԴՀ Բունդեսթագ (պատմական Ռայխսթագ):


Օրվա երկրորդ կեսին տեղի է ունեցել ՀՀ վարչապետի հանդիպումը ԳԴՀ փոխվարչապետ, արտգործնախարար Յոշկա Ֆիշերի հետ: Նշելով վերջին շրջանում հայ-գերմանական քաղաքական հարաբերություններում նկատելի առաջընթացը, տարբեր մակարդակի փոխայցելությունների ակտիվացումը, կողմերը հավաստել են, որ ներկայումս բոլոր հիմքերը կան բարձր մակարդակի քաղաքական երկխոսությունն արդյունավետորեն շարունակելու համար: Անդրանիկ Մարգարյանը շնորհակալություն է հայտնել այս տարվա հունիսին Հարավային Կովկասի երեք երկրները Եվրամիության «Նոր հարևանություն» նախաձեռնության շրջանակներում ընդգրկելու որոշման կայացմանը Գերմանիայի գործուն աջակցության համար: Կողմերն ընդգծել են, որ հայ-գերմանական համագործակցության առաջատար ուղղությունը 1995թ. սկիզբ առած գործակցությունն է զարգացման բնագավառում, որին, ըստ վարչապետի, հայկական իշխանությունները հատուկ ուշադրություն են հատկացնում: Այդ համագործակցությունը համակարգվում է բարձր մակարդակի կառավարական հանձնաժողովի կողմից, որը ղեկավարում է ՀՀ ֆինանսների և էկոնոմիկայի նախարարը: Անդրանիկ Մարգարյանը նշել է, որ հաշվի առնելով տնտեսական համագործակցության կուտակված փորձը, արդեն հասունացել են անհրաժեշտ պայմանները Գերմանիայի կողմից Հայաստանում ակտիվ ներդրումային քաղաքականություն իրականացնելու համար:


Զրուցակցի խնդրանքով ՀՀ վարչապետը ներկայացրել է տարածաշրջանում հարևանների հետ Հայաստանի ունեցած հարաբերությունները, նշելով, որ դրանց բարելավմանը խոչընդոտում է Թուրքիայի և Ադրբեջանի կողմից որոշակի նախապայմանների առաջադրումը: Յոշկա Ֆիշերը ևս ընդգծելով այն հանգամանքը, որ հարավ-կովկասյան երկրներն ընդգրկվել են «Առավել ընդարձակ Եվրոպա. նոր հարևաններ» նախաձեռնության մեջ, դա կարևոր է համարել նաև եվրոպական ընտանիքի համար: Նա նշել է, որ Գերմանիայի Դաշնային կառավարությունը հնարավոր է համարում Հարավային Կովկասի երեք երկրներում էլ նոր ծրագրերի մշակումը՝ «Նոր հարևաններ» նախաձեռնությունը կյանքի կոչելու համար:



Մարտ 2024
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ