Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երկուշաբթի, 21 հունիսի 2004


ՀՀ վարչապետ Անդրանիկ Մարգարյանն այսօր ընդունել է «Այաս» ծովային հետազոտությունների ակումբի անդամներին, որոնց ուժերով, շուրջ մեկուկես տասնամյակի ընթացքում, Կիլիկյան Հայաստանի 13-րդ դարի առևտրային նավերի նմանողությամբ կառուցված «Կիլիկիա» նավը՝ ակումբի նախագահ և նավի կապիտան Կարեն Բալայանի գլխավորությամբ, օրերս կմեկնի ծովային երկարատև ճանապարհորդության: Ակումբի անդամները տեղեկացրել են, որ հունիսի 23-ին նավը Հայաստանից նախ կտեղափոխվի Փոթի նավահանգիստ, ապա նախապատրաստական անհրաժեշտ աշխատանքներն ավարտելուց հետո, դուրս կգա բաց ծով՝ ուղղություն վերցնելով դեպի Վենետիկ: Հաջորդ 1-2 տարիներին գիտական արշավախումբը նավարկությունը կշարունակի Միջերկրական, Բալթիկ ծովերում, Հնդկական օվկիանոսում և իր վերջնական հանգրվանը կգտնի դարձյալ Հայաստանում:


Նշելով «Այաս» ակումբի անդամների, «Կիլիկիա» նավի շինարարների ու անձնակազմի անցած տարիներին կատարած տքնաջան աշխատանքը, մեծ փորձություններ դիմագրավելու նրանց կամքն ու խիզախությունը, վարչապետ Անդրանիկ Մարգարյանը կարևորել է նաև այն հանգամանքը, որ տևական ժամանակ համաշխարհային ջրերում նավարկելիս՝ «Կիլիկիա»-ի վրա ծածանվող անկախ Հայաստանի պետական դրոշը խորհրդանշելու է մեր նախնիների պատմական սխրանքներին տեր կանգնելու և դրանք շարունակելու հայ ժողովրդի կամքն ու պատրաստակամությունը:


Շնորհակալություն հայտնելով վարչապետին՝ իրենց նախաձեռնությանը գործնականորեն աջակցելու համար, «Այաս» ակումբի անդամները հավաստիացրել են, որ արել են ամեն հնարավորը գիտարշավը հաջողությամբ ավարտին հասցնելու համար և հույս են հայտնել, որ դա կնպաստի նաև աշխարհում Հայաստանի ու հայ ժողովրդի պատմական մեծ անցյալի և ներկա հաջողությունների ճանաչողությանն ու տարածմանը:


Հանդիպման ավարտին վարչապետ Անդրանիկ Մարգարյանը բարեհաջող նավարկություն է մաղթել «Կիլիկիա»-ի գիտական արշավախմբի մասնակիցներին, խոստանալով նրանց հետ հանդիպել նաև նավարկությունից վերադառնալուց հետո՝ արդեն ձեռք բերված արդյունքներն ամփոփելու համար:

Փետրվար 2020
ԵրկԵրքՉրքՀնգՈւրՇբթԿրկ
 12
3456789
10111213141516
17181920212223
242526272829 

-

Արխիվ