Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

չորեքշաբթի, 2 հունիսի 2004

ՀՀ վարչապետ Անդրանիկ Մարգարյանի ողջույնի խոսքը ԱՊՀ Առևտրաարդյունաբերական պալատների ղեկավարների խորհրդի նիստում

Հարգելի տիկնայք և պարոնայք,
 Ուրախ եմ ողջունելու ձեզ Հայաստանում, ԱՊՀ անդամ-երկրների առևտրաարդյունաբերական պալատների ղեկավարների խորհրդի հերթական նիստում:
 Անվիճելիորեն մեծ է առևտրաարդյունաբերական պալատների դերը համագործակցության երկրների տնտեսությունների բարեփոխման, դրանց ինտեգրման և միասնական տնտեսական տարածքի ստեղծման գործում:
 Սխալված չեմ լինի, եթե ԱՊՀ պետությունների իմ գործընկերների անունից ասեմ, որ մեր երկրների կառավարությունները շահագրգռված են առևտրաարդյունաբերական պալատների սերտ համագործակցությամբ, որը նպաստում է մեր երկրներում միջին խավի կայացման հիմքը հանդիսացող փոքր ու միջին ձեռնարկատիրության զարգացմանը:
 Մեզ, անկասկած, բարեփոխումներ պետք են, բայց բարեփոխումներ՝ մարդկային դեմքով, առանց որի անհնար է հաջողություններ ակնկալել, հատկապես անցումային շրջանում: Իսկ մեր երկրների սերտ համագործակցությունը փոքր ու միջին գործարարության ասպարեզում կատալիզատորի կարևոր դեր կարող է խաղալ ինտեգրման արագացման և ԱՊՀ միասնական շուկայական տարածքի ձևավորման գործընթացում:
 Թույլ տվեք ողջունել նաև Խորհրդի շրջանակներում ցուցահանդեսի և գործարար համաժողովի անցկացման նախաձեռնությունը: Կարծում եմ, դա լավ ավանդույթ կդառնա և կխթանի հետագա համագործակցությանը մեր երկրների գործարարների միջև:
 Ցուցահանդեսում ներկայացված և գործարար համաժողովում քննարկման առաջարկված թեմաները շատ հրատապ ու հեռանկարային են մեր երկրների համար: Այստեղ առաջին հերթին անհրաժեշտ է հնարավորինս վերականգնել նախկինում եղած, վերջնականապես չկորսված կապերը: Եվ, իհարկե, համատեղ ուժերով որոնել և իրացնել նոր շուկաներ:
 Առևտրաարդյունաբերական պալատները, որպես արևմտյան գործարարներին հասկանալի և մոտ կառույցներ, կարող են լոկոմոտիվների դեր խաղալ այդ գործում, որոնք իրենց հետևից կտանեն իրական գործարարությունը և կօգնեն փոքր ու միջին գործարարության ենթակառուցվածքների կայացմանը:
 Հաշվի առնելով մասնակիցների լայն շրջանակը, կարելի է վստահ լինել, որ աշխատանքը բեղմնավոր կլինի և ԱՊՀ երկրների իմ գործընկերների անունից ես հայտնում եմ մեր պատրաստակամությունը՝ աջակցելու բոլոր այն կառուցողական, գործնական առաջարկություններին, որոնք ուղղված կլինեն փոքր ու միջին գործարարության խթանմանը, մեր երկրների տնտեսությունների իրական ինտեգրմանը:
 Մեկ անգամ ևս արդյունավետ աշխատանք եմ մաղթում ձեզ և շնորհակալություն ուշադրության համար:



 

Հունիս 2020
ԵրկԵրքՉրքՀնգՈւրՇբթԿրկ
1234567
891011121314
15161718192021
22232425262728
2930 

-

Արխիվ