Հայաստանի Հանրապետության Կառավարություն

Վարչապետ Հովիկ Աբրահամյանի գլխավորությամբ կառավարությունում այսօր շարունակվել են ՀՀ հարկային օրենսգրքի նախագծի շուրջ քննարկումները՝ շահագրգիռ պետական մարմինների ներկայացուցիչների մասնակցությամբ: Մասնավորապես, քննարկվել և ամփոփվել են ըստ հարկատեսակների, ինչպես նաև հարկային վարչարարության մեխանիզմների վերաբերյալ առաջարկվող փոփոխությունները, դրանց առնչությամբ շահագրգիռ գերատեսչությունների առաջարկություններն ու կարծիքները:
Վարչապետ Աբրահամյանը հանձնարարել է շարունակել լրացուցիչ ուսումնասիրության ենթակա հարցերի շուրջ քննարկումը և արդյունքները ներկայացնել կառավարություն: