Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

ուրբաթ, 19 փետրվարի 2016

Վարչապետին է ներկայացվել տրանսպորտի և կապի նախարարության 2015թ. աշխատանքները

Վարչապետ Հովիկ Աբրահամյանի գլխավորությամբ կառավարությունում քննարկվել է ՀՀ տրանսպորտի և կապի նախարարության 2015 թ. ընթացքում կատարված հիմնական աշխատանքների, ՀՀ կառավարության 2015 թ. գործունեության միջոցառումների ծրագրի, գերակա խնդիրների կատարման և գնահատված կատարողականի հաշվետվությունը:
Նախարար Գագիկ Բեգլարյանը տեղեկացրել է, որ միջպետական և հանրապետական նշանակության ճանապարհների պահպանման ծրագրով իրականացվել են 5,9 մլրդ դրամի աշխատանքներ, այդ թվում՝ 3464.5 կմ ձմեռային և 2978.9 կմ ամառային ճանապարհների պահպանման աշխատանքներ: Կատարվել է 1720 կմ երկարությամբ միջպետական և հանրապետական նշանակության ավտոճանապարհների առանձին հատվածների ծածկի տեխնիկական վիճակի ուսումնասիրություն, ավարտվել է ՀՀ ընդհանուր օգտագործման ավտոճանապարհների ցանցի տեսաձայնագրությունը և այլն:
Գ. Բեգլարյանը նշել է, որ պետական նշանակության ավտոճանապարհների հիմնանորոգման ծրագրով` շուրջ 3.2 մլրդ դրամի հաշվին, իրականացվել են 43.09 կմ ընդհանուր երկարությամբ ավտոճանապարհների հիմնանորոգման աշխատանքներ, այդ թվում՝ շահագործման է հանձնվել 3.2 կմ երկարությամբ Վազաշեն-Պառավաքար շրջանցիկ ճանապարհը: Վարդենիս-Մարտակերտ մայրուղու հիմնանորոգման աշխա¬տանք¬ների իրականացման նպատակով «Հայաստան» համահայկական հիմնադրամին տրամադրվել է 5,24 մլրդ դրամ: Տրանսպորտային օբյեկտների հիմնանորոգման ենթածրագրի շրջանակներում 2015թ. կնքվել է 1,0 մլրդ դրամ ընդհանուր արժեքով Դիլիջանի թունելի հիմնանորոգման պայմանագիրը. արդեն սկսվել են աշխատանքները, որոնք նախատեսվում է ավարտել 2016-2017թթ:
Նախարարի խոսքով՝ «Կենսական նշանակության ճանապարհային ցանցի բարելավում» Համաշխարհային բանկի վարկային ծրագրի շրջանակներում նախատեսվում էր իրականացնել շուրջ 97 կմ երկարությամբ ճանապարհահատվածների վերանորոգում: Ծրագրի իրականացման ընթացքում առաջացած տնտեսումների հաշվին կհիմնանորոգվեն ևս 38 կմ երկարությամբ լրացուցիչ ճանապարհահատվածներ:
Զեկուցվել է, որ «Հարավկովկասյան երկաթուղի» ՓԲ-ի կողմից հաշվետու ժամանակաշրջանում փաստացի իրականացվել են շուրջ 6.6 մլրդ դրամի ներդրումային ծախսեր: 2015թ. նախորդ տարվա համեմատությամբ երկաթուղային բեռնափոխադրումների ծավալը նվազել է շուրջ 17.3%-ով և կազմել 2528.0 հազար տոննա:
Տրանսպորտի և կապի նախարարը հայտնել է, որ հանրապետության տարածքում թվային վերգետնյա հեռուստատեսային հեռարձակման համակարգի ներդրման ծրագրով ամբողջությամբ ավարտվել են նախատեսված աշխատանքները: Ներկայումս թվային ազդանշանը հասանելի է ՀՀ ողջ տարածքում: Կարգավորվել է նախարարության կողմից DVB-T2 ստանդարտի թվային հեռուստատեսային ընդունիչ սարքերի ձեռք բերման և դրանք անհատույց սոցիալական անապահով խմբերին հանձնելու հարցը:
2015 թվականին զգալի աճել է տարբեր տեխնոլոգիաներով ինտերնետից օգտվողների (բաժանորդների) թիվը, որը 2013 թվականին կազմել է 45.35%, 2014 թվականին՝ 50.03%, իսկ 2015 թվականի նախնական տվյալներով՝ 55.29%: Զգալի աճել է միջազգային ԱյՓի տարանցման ծառայության հոսքերի թողունակությունը 2013 թվականին կազմել է 75050 ՄԲիթ/վրկ, 2014 թվականին՝ 87897 ՄԲիթ/վրկ, իսկ 2015 թվականի նախնական տվյալներով՝ 170000 ՄԲիթ/վրկ, ինչպես նաև Միջազգային ԱյՓի տարանցման ծառայության (1 ՄԲիթ/վրկ) միջին սակագնի նվազեցումը բերել է ծառայությունների մատչելիության՝ կազմելով 4500 դրամ: Միջոցառումների իրականացման արդյունքում նախատեսվում է 2016 թվականին ինտերնետից օգտվողների թիվը հասցնել 60%-ի:
«Գլոբալ տնտեսական ֆորում-2015» զեկույցում ներկայացված համաշխարհային ցանցային պատրաստվածության բնագավառում ՀՀ դիրքը 2015 թվականի դրությամբ 2014 թվականի համեմատ բարելավել է 7 կետով՝ զբաղեցնելով 58-րդ տեղը:
Հաշվետու ժամանակաշրջանում ՀՀ տրանսպորտի և կապի նախարարի համապատասխան հրամաններով գործողության մեջ են դրվել թվով 27 նամականիշ, 6 գեղաթերթիկ, 1 նամականիշով 1 նամականիշով 12 բացիկ:
Անդրադառնալով «Հյուսիս հարավ ճանապարհային միջանցքի» ծրագրին, նախարար Բեգլարյանը հայտնել է, որ ՀՀ նախագահի մասնակցությամբ 2015թ դեկտեմբերի 29-ին բացվել է ծրագրի Տրանշ 1-ի՝ շուրջ 31կմ երկարությամբ Երևան-Արտաշատ և Երևան-Աշտարակ ճանապարհահատվածի երկկողմանի երթևեկությունը: Տրանշ 3-ի շրջանակներում կառուցվելիք Լանջիկ-Գյումրի 27,5կմ հատվածի շինարարության տեխնիկական վերահսկող կազմակերպություն է ընտրվել Իտալական կոնսորցումը, իսկ չինական «Սինոհիդրո Քորփորեյշն» ընկերությունը կիրականացնի կառուցման աշխատանքները: Տրանշ 3-ի Թալին-Լանջիկ ճանապարհահատվածի կառուցման աշխատանքների համար հայտարարվել է միջազգային մրցույթ, արդյունքներն ամփովել են, պայմանագիրը կնքման փուլում է:
Նախարարը տեղեկացրել է նաև, որ վարկային միջոցների հաշվին իրականացվող ծրագրերը գերակատարվել են՝ Ասիական զարգացման բանկի աջակցությամբ իրականացվող Հյուսիս-հարավ տրանսպորտային միջանցքի զարգացման ծրագիր 1-ին Տրանշով՝ 2 մլրդ դրամով, և Համաշխարհային բանկի աջակցությամբ իրականացվող Կենսական նշանակության ճանապարհացանցի բարելավման ծրագրով՝ 8 մլրդ դրամով: 2015թ ՀՀ պետական բյուջե է մուտքագրվել 944.8 մլն դրամ տուրք և ոչ հարկային եկամուտներ պլանավորված 712.6 մլն դրամի դիմաց: Նշվել է , որ միջպետական 22 երթուղիների սպասարկման համար հայտարարվել է մրցույթ, իսկ երթուղիների սպասարկման համար 27 օտարերկրյա փոխադրողներին տրվել են 81 թույլտվություններ:
Վարչապետ Աբրահամյանը դրական է գնահատել տրասնպորտի և կապի նախարարության աշխատանքը և նշել, որ բավականին մեծ աշխատանք է կատարվել տարբեր ուղղություններով, այդ թվում՝ պետական, միջպետական և համայնքային նշանակության ճանապարհների վերանորոգման, գյուղական բնակավայրերում տրանսպորտի կազմակերպման:
Կարևորելով Իրանի հետ տրանսպորտային ենթակառուցվածքների ոլորտում համագործակցությունը, գործադիրի ղեկավարը հանձնարարել է ակտիվացնել քննարկումները դրանք գործնական փուլ տեղափոխելու համար:

 

Մարտ 2024
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ