Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երեքշաբթի, 29 սեպտեմբերի 2015

Վարչապետը մասնակցել է Չինաստանի Ազգային օրվան նվիրված պաշտոնական ընդունելությանը






Վարչապետ Հովիկ Աբրահամյանն այսօր ներկա է գտնվել Չինաստանի Ժողովրդական Հանրապետության Ազգային օրվա 66-ամյակի առթիվ կազմակերպված պաշտոնական ընդունելությանը: Կառավարության ղեկավարը հանդես է եկել շնորհավորանքի խոսքով: Դիմելով ներկաներին՝ վարչապետը, մասնավորապես, նշել է.
«Հայաստանի Հանրապետության կառավարության և անձամբ իմ անունից ի սրտե շնորհավորում եմ Ձեզ, պարոն դեսպան, դեսպանության անձնակազմին և Ձեր միջոցով Չինաստանի Ժողովրդական Հանրապետության բարեկամ ժողովրդին և իշխանություններին այս հիշարժան օրվա առթիվ` հղելով անձնական երջանկության և նորանոր հաջողությունների լավագույն մաղթանքներս: Այս տոնի առիթով այսօր շնորհավորական ուղերձ եմ հղել գործընկերոջս՝ պարոն Լի Քեցյանին՝ բարեկամ Չինաստանին մաղթելով բարօրություն և հետագա առաջընթաց:
Այսօր մենք նշում ենք ժամանակակից Չինաստանի հիանալի վերելքը և հաջողությունները, այս համատեքստում նաև՝ հայ-չինական հարաբերությունների ձեռքբերումները: Հայաստանի անկախության վերականգնումից ի վեր մեր երկրների միջև հաստատվել և ամրապնդվել են բարեկամության ամուր կապեր: Հայաստանի և Չինաստանի միջև այսօր առկա է բարձր մակարդակի քաղաքական երկխոսություն, ինչը թույլ է տալիս քննարկել երկկողմ հետաքրքրություն ներկայացնող ցանկացած հարց:
Հայ-չինական հարաբերությունների ամրապնդման գործում մեծ նշանակություն ունեցավ սույն թվականի մարտին ՉԺՀ Նախագահ Սի Ծինփինի հրավերով ՀՀ Նախագահ Սերժ Սարգսյանի պետական այցը Չինաստան: Երկու երկրների ղեկավարների միջև տեղի ունեցած հանդիպումը մեծապես նպաստեց միջպետական հարաբերությունները որակապես նոր մակարդակի բարձրացնելուն:
Օրեր առաջ տեղի ունեցավ նաև իմ աշխատանքային այցը Չինաստանի Ժողովրդական Հանրապետություն, որտեղ հանդիպում ունեցա Չինաստանի պետական խորհրդի նախագահ, վարչապետ պարոն Լի Քեցյանի հետ: Հանդիպման ընթացքում անդրադարձանք հայ-չինական համագործակցությանը վերաբերող հարցերի լայն շրջանակի:
Պատեհ առիթն օգտագործելով՝ ցանկանում եմ շնորհակալություն հայտնել չինական կողմին այն ջերմ ընդունելության և հյուրընկալության համար, որին արժանացանք ես և իմ գլխավորած պատվիրակությունը Պեկինում և Սիանում:
Չինաստանի հետ հարաբերությունների զարգացումը Հայաստանի արտաքին քաղաքականության առաջնահերթություններից է: Ուրախությամբ պետք է նշեմ, որ մենք ունենք նշանակալի աճ առևտրատնտեսական հարաբերություններում. Չինաստանն արդեն դարձել է Հայաստանի երկրորդ առևտրային գործընկերը: Համագործակցության նոր հեռանկարներ են բացվում Մետաքսի ճանապարհի տնտեսական գոտու վերաստեղծման ծրագրի շրջանակում: Դարեր շարունակ լինելով Եվրոպան և Ասիան կապող պատմական Մետաքսի ճանապարհի կարևոր տարանցիկ ուղի՝ Հայաստանն այսօր էլ պատրաստ է խթանել տարածաշրջանի և Չինաստանի միջև նախագծերը, կապել Չինաստանը Եվրոպայի հետ, ինչպես նաև նպաստել Եվրասիական տնտեսական միության և Չինաստանի միջև ազատ առևտրի գոտու ստեղծմանը:
Հայ-չինական համագործակցության օրակարգը հարուստ է նաև հումանիտար ոլորտներում ակտիվ փոխգործակցությամբ: Աշխույժ համագործակցություն է ծավալվում մշակութային և գիտակրթական ոլորտներում: Ամեն տարի տասնյակ ուսանողներ են սովորում հայկական և չինական համալսարաններում՝ ստանալով կառավարական կրթաթոշակներ: Առանձնահատուկ պետք է նշեմ Երևանում չինարենի խորացված ուսուցմամբ դպրոցի կառուցման նոր նախագիծը, որը, անկասկած, կնպաստի մեր ժողովուրդների հաջորդ սերունդների միջև բարեկամության ամրապնդմանը: Վերջին տարիներին հաջորդաբար Հայաստանում և Չինաստանում անց են կացվում փոխադարձ մշակույթի օրեր: Անկասկած, այսօրինակ շփումներն էականորեն նպաստում են մեր ժողովուրդների միջև փոխըմբռնմանը և փոխճանաչմանը:
Ավարտելով խոսքս՝ մեկ անգամ ևս շնորհավորում եմ բոլորիդ Չինաստանի Ժողովրդական Հանրապետության Ազգային տոնի առթիվ: Թող հայ և չին ժողովուրդները բարեկամության և խաղաղության մթնոլորտում արարեն և զարգանան՝ միասին իրականացնելով ապագայի իրենց ծրագրերը»:

 

Մարտ 2024
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ