Հայաստանի Հանրապետության Կառավարություն

Այսօր ՀՀ վարչապետ Անդրանիկ Մարգարյանի նախագահությամբ տեղի ունեցավ ՀՀ կառավարության արտահերթ նիստ, որի օրակարգում 1992-1999 թվականների ընթացքում էներգակիրների ներկրման, արտադրված էլեկտրական էներգիայի ծավալների օգտագործման, ինչպես նա— էներգետիկ համակարգին ուղղված վարկերի արդյունավետությունն ուսումնասիրող Ազգային ժողովի ժամանակավոր հանձնաժողովի հաշվետվությունում ներկայացված խնդիրների — եզրահանգումների վերաբերյալ ՀՀ կառավարության հաղորդումն էր։
       Ելնելով ՀՀ Ազգային ժողովի՝ 2000թ. հունիսի 14-ի որոշումից, որով նախատեսված է մինչ— 2000թ. նոյեմբերի 1-ը Ազգային ժողովի նիստում քննարկել ԱԺ-ի նշված ժամանակավոր հանձնաժողովի հաշվետվությունում ներկայացված խնդիրների — եզրահանգումների վերաբերյալ ՀՀ կառավարության — ՀՀ գլխավոր դատախազի հաղորդումները, դեռ—ս հուլիսի 3-ին վարչապետի թիվ 417 որոշմամբ ստեղծվել էր աշխատանքային հանձնախումբ: Այն պետք է վերլուծեր ՀՀ Ազգային ժողովի ժամանակավոր հանձնաժողովի հաշվետվությունը — ՀՀ կառավարություն ներկայացներ ՀՀ Ազգային ժողով ներկայացվելիք ՀՀ կառավարության հաղորդման նախագիծը։
       Կառավարությունը, որոշ խմբագրական փոփոխություններով, արձանագրային որոշմամբ ի գիտություն ընդունեց «1992-1999 թվականների ընթացքում էներգակիրների ներկրման, արտադրված էլեկտրական էներգիայի ծավալների օգտագործման, ինչպես նա— էներգետիկ համակարգին ուղղված վարկերի արդյունավետությունն ուսումնասիրող Ազգային ժողովի ժամանակավոր հանձնաժողովի հաշվետվությունում ներկայացված խնդիրների — եզրահանգումների վերաբերյալ» Հայաստանի Հանրապետության կառավարության հաղորդումը, որը կներկայացվի ԱԺ-ին։
       Հաղորդման մեջ նշվում է, որ ՀՀ ԱԺ ժամանակավոր հանձնաժողովի հաշվետվությունում բացահայտված փաստերի առնչությամբ նյութերը քննության են առվել համապատասխան նախարարություններում, ՀՀ կառավարությունում։ Մի շարք նյութեր ներկայացվել են նախաքննության մարմիններին։ Այդ ժամանակահատվածում հարուցվել են քրեական գործեր, որոնցով 25 պաշտոնատար — նյութական պատասխանատու անձանց նկատմամբ մեղադրանքներ են առաջադրվել յուրացնելու, վատնելու կամ պաշտոնական դիրքը չարաշահելու միջոցով առանձնապես խոշոր չափերով գույքի հափշտակման, անփութության, պաշտոնական կեղծիքի — այլ հոդվածներով։ Նշված անձանց նկատմամբ դատարանների կողմից դատավճիռներով նշանակվել են համապատասխան պատիժներ։ ՀՀ պետական բյուջե է վերականգնվել 1717.4 հազ. ԱՄՆ դոլարի գումար, այդ թվում ՊՇԷԿ-ի 5-րդ բլոկով՝ 550.5 հազ. ԱՄՆ դոլար։
       Հաղորդման մեջ միաժամանակ նշվում է, որ Հայաստանի Հանրապետության Ազգային ժողովի ժամանակավոր հանձնաժողովի հաշվետվությամբ կատարված մի շարք եզրահանգումներ — մեկնաբանություններ, որոնք հատկապես վերաբերում են պետությանը կամ պետական բյուջեին հասցված վնասի չափերին, կարիք ունեն լրացուցիչ հիմնավորման, ինչը տվյալ դեպքում հնարավոր է պարզել միայն նախաքննությամբ։
       ՀՀ Ազգային ժողովում ՀՀ կառավարության հաղորդմամբ հանդես գալու պատասխանատու նշանակվեց ՀՀ էներգետիկայի փոխնախարար Ռոբերտ Նազարյանը։