Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

հինգշաբթի, 9 ապրիլի 2015

Տեղի է ունեցել ՀՀ կառավարության հերթական նիստը







Այսօր տեղի է ունեցել ՀՀ կառավարության հերթական նիստը, որը վարել է ՀՀ վարչապետ Հովիկ Աբրահամյանը:


Համակարգիչ կտրամադրվի երկրի բոլոր առաջին դասարանցիներին


ՀՀ կառավարությունը հավանություն է տվել առաջին դասարանի աշակերտներին համակարգիչ տրամադրելու «Մեկ երեխա՝ մեկ համակարգիչ» փուլային ծրագրին: Որոշմամբ ի գիտություն է ընդունվել, որ ծրագրի փորձնական փուլի ֆինանսավորումն իրականացվել է Դասագրքերի և տեղեկատվական հաղորդակցման տեխնոլոգիաների շրջանառու հիմնադրամի միջոցներով: Տեղական արտադրությունը խթանելու նպատակով աշակերտներին անհատույց տրամադրվելու են «Արմթաբ» պլանշետներ: Առաջին փուլում 2015թ. սեպտեմբերից 2019թ. օգոստոս ամիսը, ծրագիրը փորձնական կիրականացվի մեկ՝ Վայոց ձորի մարզում: Երկրորդ փուլում ծրագիրը կընդլայնվի և 2019թ. սեպտեմբերից ամեն մի ուսումնական տարում կներառվի մեկ կամ երկու մարզ: Երրորդ փուլում՝ 2025թ. սեպտեմբերից, ծրագիրը կսկսի իրագործվել Երևան քաղաքում: Վարչապետ Հովիկ Աբրահամյանի դիտարկմամբ ծրագիրը մեծ հետաքրքրություն է հարուցել հանրության շրջանում, դրան անդրադարձել է մամուլը, ուստի իրագործումը նույնպես պետք է շատ թափանցիկ լինի:
Կառավարությունն ընդունել է «Գույք նվիրաբերելու մասին» որոշումը, որի իրագործումը հնարավորություն կտա Վայոց ձորի մարզի Խնձորուտ և Նոր Ազնաբերդ սահմանամերձ համայնքներում կառուցել ոռոգման ինքնահոս ջրագծեր և լուծել ավելի քան 84 հեկտար հողերի ոռոգման հարցը: Անհրաժեշտ տրամագծի խողովակները վերցվելու են 1982-1984թթ. կառուցված, ներկայումս չշահագործվող պոմպակայանի խողովակաշարերից: Այս առնչությամբ վարչապետն հանձնարարել է ՀՀ տարածքային կառավարման և արտակարգ իրավիճակների նախարարին, Վայոց ձորի մարզպետին և ՀՀ գյուղատնտեսության նախարարության ջրային տնտեսության պետական կոմիտեի նախագահին՝ ճիշտ հաշվարկ անել և հետևել, որպեսզի խողովակները տարբեր պատճառներով պակասելու դեպքում դրա պատասխանատվությունը չթողնվի մրցույթի հաղթող ընկերության վրա և պետբյուջեն չտուժի:
Կառավարության որոշմամբ երկրի հանրակացարաններում երկար տարիներ բնակվողների բնակարանային խնդիրների լուծման նպատակով նրանցից հինգ անձ նվեր է ստացել իր զբաղեցրած տարածքները:


Կբարելավվեն բիզնես գործունեություն ծավալելու պայմանները


«Օրենսդրության կարգավորման ազգային կենտրոն» պետական հիմնարկության առաջարկով կառավարությունը հավանություն է տվել «Հսկիչ նշանների (դրոշմապիտակների) միջոցով մագնիսական, օպտիկական, թվային, լազերային և ցանկացած այլ տիպի էլեկտրոնային կրիչների պարտադիր դրոշմավորման մասին» օրենքն ուժը կորցրած ճանաչելու մասին» օրենքի նախագծին, որի ընդունմամբ կբարելավվեն ոլորտը կարգավորելու և բիզնես գործունեություն ծավալելու պայմանները, կկրճատվեն տնտեսվարող սուբյեկտների ծախսերը: Վարչապետ Հովիկ Աբրահամյանը կարևորել է գործարարների աշխատանքը դյուրացնելուն ուղղված քայլերը՝ միաժամանակ հիշեցնելով, որ դրանց հետևանքով չպետք է տուժի եկամուտների հավաքագրումը:
Նիստում հավանություն է տրվել ՀՀ քրեական օրենսգրքում և Վարչական իրավախախտումների վերաբերյալ ՀՀ օրենսգրքում փոփոխություններ և լրացումներ կատարելու օրենքների նախագծերի փաթեթին, որի ընդունմամբ կվերացվեն երկու օրենսգրքերում եղած բացթողումները և անհամապատասխանությունները:
Վերը նշված օրենքների նախագծերը սահմանված կարգով կներկայացվեն ՀՀ Ազգային ժողով:


Կվերահսկվի Մաքսային միության կանոնակարգերի պահպանումը


ՀՀ կառավարությունն իր ավելի վաղ ընդունած որոշումներից մեկում կատարել է լրացումներ, որոնցով սահմանել է Եվրասիական տնտեսական միության (Մաքսային միության) տեխնիկական կանոնակարգերի պահանջների պահպանման նկատմամբ պետական վերահսկողություն իրականացնող լիազոր մարմիններ:
Կառավարությունը փոփոխություններ և լրացումներ է կատարել իր ավելի վաղ ընդունած որոշումներից մեկում, որը վերաբերում էր ՀՀ մաքսային տարածքով փոխադրման համար արգելված և սահմանափակման ենթակա ապրանքների ցանկերին: Որոշմամբ կարգավորվում են թանկարժեք մետաղներ պարունակող ապրանքների համար մեկանգամյա և գլխավոր արտոնագրի տրամադրման հարաբերությունները:
2015թ. հունվարի 1-ից հարկային հաշիվները կարող են դուրս գրվել միայն էլեկտրոնային եղանակով: Օրենսդրության փոփոխությամբ հանվել է նաև դուրս գրված և ստացված հարկային հաշիվների վերաբերյալ տեղեկություն ներկայացնելու պահանջը: Միաժամանակ, ԵՏՄ անդամակցության հետ կապված անուղղակի հարկերի առանձնահատկությունները սահմանող օրենքով նախատեսված է, որ ԵՏՄ անդամ պետություններից ապրանք ներմուծելու դեպքում հարկային հայտարարագիր է լրացվում: Փոփոխելով իր նախկին որոշումներից մեկը, կառավարությունը կանոնակարգել է անհատ ձեռնարկատեր չհամարվող ֆիզիկական անձի կողմից իրականացված ապրանքի մատակարարում համարվող գործարքներից ԱԱՀ-ի հաշվարկման հարցը:
Գործադիրը հաստատել է հիմնադրութային փաստաթղթի և նախատեսվող գործունեության շրջակա միջավայրի վրա ազդեցության փորձաքննության իրականացման կարգը, որը կնպաստի լիազոր մարմնի և փորձաքննական կենտրոնի կողմից իրականացրած գործառույթների հրապարակայնությանը և թափանցիկությանը:


Այլ հարցեր


Գործադիրն ի գիտություն է ընդունել ՀՀ կառավարության աշխատակազմի ղեկավար-նախարարի զեկուցումը կառավարության 2015թ. հունվարի 15-ի «ՀՀ կառավարության 2015թ. գործունեության միջոցառումների ծրագիրը և գերակա խնդիրները հաստատելու մասին» որոշման (15.01.2015 – 31.03.2015թ. ժամանակահատվածում) հանձնարարականների կատարման տեղեկանքը:
Կառավարության որոշմամբ «Թեղուտ» ՓԲԸ-ին մեկ տարի ժամկետով տրվել է ռադիոակտիվ նյութեր պարունակող սարքերի ներմուծման արտոնագիր: Սարքերն օգտագործվելու են հանքաքարի մշակման ընթացքում հումքի խտությունը չափելու նպատակով:
 

Փետրվար 2024
ԵրկԵրքՉրքՀնգՈւրՇբթԿրկ
 1234
567891011
12131415161718
19202122232425
26272829 

-

Արխիվ