Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

ուրբաթ, 20 մարտի 2015

Վարչապետն ընդունել է Հայաստան-ԵՄ խորհրդարանական համագործակցության հանձնաժողովի անդամներին




Վարչապետ Հովիկ Աբրահամյանն ընդունել է Հայաստան-Եվրոպական միություն խորհրդարանական համագործակցության հանձնաժողովի անդամներին, ովքեր Հայաստան են ժամանել մարտի 19-20-ը Երևանում կայացած Հայաստան-Եվրոպական միություն հանձնաժողովի 15-րդ նիստին մասնակցելու նպատակով:
Վարչապետը նշել է, որ այս շաբաթվա ընթացքում տեղի են ունեցել Հայաստան-ԵՄ բարձրաստիճան պատվիրակությունների մակարդակով մի շարք հանդիպումներ, որոնք նպաստում են երկկողմ համագործակցության ակտիվացմանն ու ամրապնդմանը: Հովիկ Աբրահամյանը ընդգծել է, որ ՀՀ կառավարությունն ամեն ինչ անելու է Հայաստանի և ԵՄ-ի միջև գործնական կապերի ընդլայնման, քաղաքական ու տնտեսական համագործակցության խորացման ուղղությամբ:
ԵՄ խորհրդարանական համագործակցության հանձնաժողովի պատվիրակության ղեկավար Սաջադ Քարիմը շնորհակալություն է հայտնել վարչապետին ջերմ ընդունելության համար և ներկայացրել Հայաստան-Եվրոպական միություն հանձնաժողովի 15-րդ նիստի արդյունքները: Պարոն Քարիմը գոհունակություն է հայտնել կառուցողական մթնոլորտում կատարված աշխատանքներից և նշել, որ դրանց արդյունքները գերազանցել են իր ակնկալիքները: ԵՄ խորհրդարանական համագործակցության հանձնաժողովի պատվիրակության ղեկավարը հույս է հայտնել, որ ստեղծված լավ հիմքի վրա ՀՀ-ԵՄ փոխգործակցությունը կշարունակի հաջողությամբ առաջ շարժվել: Անդրադառնալով ՀՀ-ում ժողովրդավարական արժեքների հաստատման ուղղությամբ կատարված աշխատանքներին՝ Սաջադ Քարիմը բարձր է գնահատել մեր երկրում քաղաքացիական հասարակության գործունեությունը և խոսքի ազատության մակարդակը:
Զրուցակիցները մտքեր են փոխանակել նաև տարածաշրջանային խնդիրների վերաբերյալ: Վարչապետ Աբրահամյանը նշել է, որ Հայաստանը մշտապես կողմնակից է եղել Լեռնային Ղարաբաղի հակամարտության խաղաղ կարգավորմանը՝ ԵԱՀԿ Մինսկի խմբի բանակցային ձևաչափի շրջանակում: Միաժամանակ, կառավարության ղեկավարի խոսքով՝ Ադրբեջանը շարունակում է իր ռազմատենչ հայտարարություններով և դիվերսիոն գործողություններով սրել իրավիճակը, ինչը վտանգում է տարածաշրջանի կայունությունը և անվտանգությունը:
Վարչապետը շնորհակալություն է հայտնել Եվրոպական խորհրդարանի պատգամավորներին՝ մարտի 12-ին Եվրախորհրդարանի ընդունած բանաձևի համար, որով կոչ է արվել ԵՄ անդամ պետություններին ճանաչել և դատապարտել Հայոց ցեղասպանության փաստը:
 

Մարտ 2024
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ