Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երկուշաբթի, 27 հոկտեմբերի 2014

Ավստրիական զարգացման համագործակցությունը և ՄԱԶԾ-ն կօժանդակեն ՀՀ-ում գյուղատնտեսական հաշվառման ծրագրի իրականացմանը




Վարչապետ Հովիկ Աբրահամյանի ներկայությամբ կառավարությունում Ավստրիական զարգացման համագործակցության և ՄԱԿ-ի զարգացման ծրագրի միջև ստորագրվել է համաֆինանսավորման համաձայնագիր: Այն ստորագրել են Հայաստանում ՄԱԿ-ի մշտական համակարգող և ՄԱԶԾ մշտական ներկայացուցիչ Բրեդլի Բուզետտոն և ՀՀ-ում Ավստրիայի արտակարգ և լիազոր դեսպան Ալոիս Կրաուտը:
Համաձայնագրի նպատակն է օժանդակություն ցուցաբերել Հայաստանում 2014 թվականի գյուղատնտեսական հաշվառման ծրագրի երկրորդ փուլի իրականացմանը: Ալոիս Կրաուտը բարձր է գնահատել ՀՀ կառավարության գործունեությունը՝ Ավստրիական զարգացման համագործակցության և ՄԱԿ-ի գրասենյակի հետ գյուղատնտեսական համատարած հաշվառման ծրագրի առաջին փուլի իրականացման գործում: Դեսպանը հույս է հայտնել, որ ծրագրի ավարտին կլինեն հավաստի բազային տվյալներ Հայաստանի գյուղատնտեսության վերաբերյալ, ինչը կնպաստի նոր ներդրումների ներգրավմանը:
ՀՀ Ազգային վիճակագրական ծառայության նախագահ Ստեփան Մնացականյանը շնորհակալություն է հայտնել դոնոր կազմակերպություններին՝ գյուղատնտեսական համատարած հաշվառման նախապատրաստական աշխատանքներին օժանդակելու և փորձագիտական աջակցություն ցուցաբերելու համար:
Հայաստանում ՄԱԿ-ի մշտական համակարգող և ՄԱԶԾ մշտական ներկայացուցիչ Բրեդլի Բուզետտոյի խոսքով՝ այս ծրագիրը կրում է ռազմավարական բնույթ, ինչը կնպաստի գյուղատնտեսական հատվածում հետագա կարևորագույն որոշումների ընդունմանը:
Վարչապետ Հովիկ Աբրահամյանը կարևորել է ծրագրի իրականացումը և շնորհակալություն հայտնել Ավստրիական զարգացման համագործակցությանն ու ՄԱԿ-ի ՄԱԶԾ-ին ցուցաբերած օժանդակության համար:
 

Փետրվար 2024
ԵրկԵրքՉրքՀնգՈւրՇբթԿրկ
 1234
567891011
12131415161718
19202122232425
26272829 

-

Արխիվ