Հայաստանի Հանրապետության Կառավարություն

Հովիկ Աբրահամյանը Իրանի Իսլամական Հանրապետություն կատարած պաշտոնական այցի շրջանակում իր կեցավայրում ընդունել է ԻԻՀ նավթի նախարար Բիջան Նամդար Զանգանեհին:
Հանդիպման ընթացքում զրուցակիցները քննարկել են ոլորտում իրականացվող ծրագրերը և դրանց հեռանկարները: Կողմերը կարևորվել են Իրանի և Հայաստանի միջև տնտեսական համագործակցության խորացումը, այդ թվում էներգետիկայի բնագավառում: Երկուստեք պայմանավորվել են հայ-իրանական միջկառավարական հանձնաժողովի նիստի ընթացքում քննարկել տնտեսական կապերի ընդլայնմանն ուղղված հարցեր:
Աշխատանքային օրվա վերջում Հայաստանի պատվիրակությունն այցելել է «Արարատ» մարզամշակութային համալիր, որտեղ վարչապետ Աբրահամյանը շրջայց է կատարել, ծանոթացել համալիրի հնարավորություններին, համայնքի երիտասարդների մարզական պատրաստվածությանը։