Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

ուրբաթ, 26 սեպտեմբերի 2014

ՀՀ վարչապետը մասնակցել է «Ոսկե բանալի և ժանգոտ կողպեք» ամենամյա մրցանակաբաշխությանը



ՀՀ վարչապետ Հովիկ Աբրահամյանը մասնակցել է Ինֆորմացիայի ազատության կենտրոնի «Ոսկե բանալի և ժանգոտ կողպեք» ամենամյա մրցանակաբաշխությանը:
ՀՀ կառավարության և անձամբ իր անունից ողջունելով ներկաներին Տեղեկատվության ազատության միջազգային օրվա առթիվ՝ Հովիկ Աբրահամյանը նշել է, որ Ինֆորմացիայի ազատության կենտրոնի կողմից կազմակերպվող մրցանակաբաշխությունն արդեն բարի ավանդույթ է դարձել: Վարչապետի խոսքով՝ ՀՀ կառավարությունը մեծ նշանակություն է տալիս այս նախաձեռնությանը՝ երկրում ժողովրդավարության ամրապնդման և քաղաքացիական հասարակության ձևավորման համատեքստում: Վարչապետը շեշտել է, որ Հայաստանի Հանրապետության կառավարությունը շարունակում է հավատարիմ մնալ քաղաքացիների համար ավելի թափանցիկ և հաշվետվողական դառնալու իր հանձնառությանը՝ կառավարման համակարգն առավելագույնս համապատասխանեցնելով նրանց ձգտումներին: Հովիկ Աբրահամյանը նշել է, որ պետական ինստիտուտների և արդյունավետ կառավարման համակարգի ամրապնդումը մեր պետության առաջնահերթություններից է:
«ՀՀ կառավարությունը մշտապես իր ուշադրության կենտրոնում է պահում պետական կառավարման համակարգի արդյունավետության բարձրացման խնդիրը: Դրա վառ ապացույցը Բաց կառավարման գործընկերություն նախաձեռնությունն է, որը թևակոխել է իրականացման երկրորդ փուլ: Այս ծրագիրը հիանալի հնարավորություն է ընձեռում ունենալու այնպիսի ինստիտուտներ, որոնք կնպաստեն քաղաքացու ակտիվ մասնակցությանը որոշումների կայացման և քաղաքականության մշակման գործընթացներում: Մեր երկրում տեղեկատվության ազատությունը երաշխավորված է օրենքով, և մենք հետևողական ջանքեր ենք գործադրելու, որպեսզի ապահովվի կառավարման համակարգի թափանցիկությունը»,- ասել է կառավարության ղեկավարը: Շնորհավորելով «Ոսկե բանալի» մրցանակակիրներին` վարչապետը մաղթել է, որպեսզի նրանք չզիջեն նվաճած դիրքերը:
Հովիկ Աբրահամյանը Արմավիրի մարզպետարանի ներկայացուցչին է հանձնել մրցանակաբաշխության դրական մրցանակը՝ բաց և հրապարակային աշխատանքի խորհրդանիշ «Ոսկե բանալին»:
 

Հոկտեմբեր 2020
ԵրկԵրքՉրքՀնգՈւրՇբթԿրկ
 1234
567891011
12131415161718
19202122232425
262728293031 

-

Արխիվ