հինգշաբթի, 6 հուլիսի 2000
Այսօր տեղի ունեցավ ՀՀ կառավարության հերթական նիստը, որը վարում էր վարչապետ Անդրանիկ Մարգարյանը:
Կառավարությունը հավանություն տվեց ՀՀ Սյունիքի մարզի Մեղրու տարածաշրջանի զարգացման ծրագրին: Փաստաթղթում հանգամանորեն տրված են այն միջոցառումները, որոնք իրականացվելու են տարածաշրջանի սոցիալ-տնտեսական, կրթա-մշակութային հիմնախնդիրների լուծման համար, նշված են դրանց կատարման ժամկետները, ֆինանսավորման աղբյուրները:
Ծրագրի վրա տարվող աշխատանքները սկսվել են դեռ—ս ընթացիկ տարվա գարնանից, — դրանում ընդգրկված միջոցառումների որոշ մասն արդեն իսկ կյանքի է կոչվել:
Մեկ այլ որոշմամբ հաստատվեցին ՀՀ-ում ոռոգման ջրի մատակարարման, օգտագործման, հաշվառման — հաշվետվության նոր կանոնները, որոնք կոչված են բարձրացնելու համայնքների ջրօգտագործողների սպառողական կազմակերպությունների գործունեության արդյունավետությունը, կարգավորելու ջրամատակարար-սպառող փոխհարաբերությունները: Փաստաթղթով մասնավորապես սահմանվում է, որ անհրաժեշտ ջրի ծավալը օգտագործելու դեպքում վարձի վճարումը երաշխավորելու նպատակով ջրօգտագործողի գործադիր մարմինը պայմանագիր է կնքում հողատեր-սպառողների հետ: Պայմանագրի բացակայության դեպքում նյութական պատասխանատվությունը կրում է ջրօգտագործողի ղեկավարը: Կանոններով որոշակի պատասխանատվություն է սահմանված նա— պայմանագրերով իրենց ստանձնած պարտավորությունները խախտած ջրօգտագործողների ու սպառողների համար:
Կառավարությունը հաստատեց նոր բաժնետոմսերի թողարկմամբ պետական գույքի մասնավորեցման կարգը: Այն կանոնադրական կապիտալում 50 տոկոսից ավելի պետական բաժնեմաս ունեցող մասնավորեցվող ընկերությունների համար ապահովում է կապիտալի մեծացում, ներդրումներ:
Հաստատվեց նա— «Բռնադատվածների կամ նրանց առաջին հերթի ժառանգների կողմից բնակարանային անհատական շինարարության նպատակով ՀՀ պետական բյուջեից արտոնյալ պայմաններով երկարաժամկետ վարկեր ստանալու համար հայտեր ներկայացնելու, քննարկելու, ինչպես նա— վարկեր տրամադրելու կարգը»: Վարկերը կտրվեն այն բռնադատվածներին կամ նրանց առաջին հերթի ժառանգներին, որոնցից ժամանակին բռնագրավվել է բնակտարածություն — մինչ օրս փոխհատուցում չի տրվել: Նախատեսված է վարկերը տրամադրել 25 տարի ժամկետով` տարեկան 1 տոկոս դրույքաչափով: Այս փաստաթղթի ընդունումը բխում է «Բռնադատվածների մասին» ՀՀ օրենքի պահանջներից:
Կառավարության որոշմամբ Եր—անի ճարտարապետաշինարարական — Խ.Աբովյանի անվան մանկավարժական պետական ինստիտուտները վերանվանվեցին համապաատասխանաբար` Եր—անի ճարատարապետության — շինարարության պետական համալսարան ու Եր—անի Խ.Աբովյանի անվան հայկական պետական մանկավարժական համալսարան:
