երկուշաբթի, 3 հուլիսի 2000
ՀՀ վարչապետ Անդրանիկ Մարգարյանը, ծննդյան 60-ամյակի կապակցությամբ շնորհավորական ուղերձ է հղել Ռազմիկ Դավոյանին, որում ասված է.
Մեծարգո Ռազմիկ Դավոյան
Գրականություն գալով վաթսունականներին, Դուք կարողացաք ոչ միայն շարունակել բազմադարյան հայ պոեզիայի ավանդույթները, այլև դավոյանական մեկնություններով արտացոլել ժամանակն ու ժողովրդին:
Ձեր բանաստեղծություններն ու պոեմներն իրենց ազգային շնչով, գաղափարական հարստությամբ, ձևի ու բովանդակության ներդաշնակությամբ, գտել են դեպի ժողովրդի սիրտը տանող ճանապարհը:
Շնորհավորում եմ 60-ամյա հոբելյարիդ, մաղթում առողջություն և ստեղծագործական նորանոր թռիչքներ ի փառս մեր ժողովրդի ու հայրենիքի և ի հարատևություն հայ գրականության:
ՀՀ վարչապետ՝ Անդրանիկ Մարգարյան
