Հայաստանի Հանրապետության Կառավարություն

Այսօր ՀՀ կառավարությունում տեղի է ունեցել Հայաստանի սոցիալական ներդրումների հիմնադրամի (ՀՍՆՀ) խորհրդի նիստ, որը վարել է խորհրդի նախագահ, ՀՀ վարչապետ Անդրանիկ Մարգարյանը: Քննարկվել է հիմնադրամի գործադիր գրասենյակի հաշվետվությունը՝ 2003թ. գործունեության վերաբերյալ: Այն ներկայացրել է ՀՍՆՀ գործադիր տնօրեն Աշոտ Կիրակոսյանը: Նա նշել է, որ հաշվետու ժամանակաշրջանում խթանման աշխատանքներ են իրականացվել Կոտայքի, Արմավիրի և Սյունիքի մարզերում, Երևան քաղաքի Ավան և Քանաքեռ-Զեյթուն թաղային համայնքներում: Կոտայքի և Արմավիրի մարզերում խթանման աշխատանքներն ամբողջությամբ ավարտվել են: ՀՍՆՀ գրասենյակ է ներկայացվել 212 ծրագրի առաջարկ, որոնցից 97-ը ստացվել են գյուղական բնակավայրերից, 57-ը՝ Երևան քաղաքից: Առաջարկները հիմնականում վերաբերվել են կրթական համակարգին՝ 57.5 տոկոս, խմելու ջրին՝ 12 տոկոս, համայնքային կենտրոններին՝ 8.5 տոկոս և ոռոգման ջրին՝ 5 տոկոս: Տարվա ընթացքում, ըստ գործադիր տնօրենի, փորձաքննության է հանձնվել 211 ծրագրի առաջարկ և 21 հայտ, փորձաքննության 2-րդ փուլ անցել է 116 ծրագիր, հաստատվել՝ 100 ծրագիր: Տարեվերջի դրությամբ փորձաքննության փուլում է գտնվում 207 ծրագիր: Նշվել է նաև, որ ծրագրերի շինարարական աշխատանքներն իրականացնելու համար կապալառուների հետ կնքվել է 93 պայմանագիր՝ 4.5 մլն ԱՄՆ դոլար ընդհանուր արժեքով: Տարվա ընթացքում ավարտվել է 68 ծրագրի շինարարական աշխատանք: 2003թ. դեկտեմբերի 31-ի դրությամբ ՀՍՆՀ-ի ավարտված ծրագրերի ընդհանուր թիվը 130-ն է, այդ թվում՝ 62 տոկոսը՝ դպրոց, 21 տոկոսը՝ խմելու ջրագ