երկուշաբթի, 15 մարտի 2004
ՀՀ Կառավարության անդամները մարտի 16-ին կշարունակեն այցերը հանրապետության մարզեր: Վաղը Արարատի մարզ կմեկնեն ՀՀ տարածքային կառավարման և ենթակառուցվածքների գործունեությունը համակարգող, գյուղատնտեսության, առողջապահության, կրթության և գիտության, տրանսպորտի և կապի, մշակույթի և երիտասարդության հարցերի, աշխատանքի և սոցիալական հարցերի նախարարները, ինչպես նաև կառավարաությանն առընթեր ջրային տնտեսության, անշարժ գույքի կադաստրի պետական կոմիտեների նախագահները, «Հայռուսգազարդ» ՓԲԸ-ի վարչության նախագահը, ինչպես նաև Հայաստանի սոցներդրումների հիմնադրամի գործադիր տնօրենը:
Նրանք հանդիպումներ կունենան Նոր Խարբերդի, Այնթափի, Բուրաստանում՝ Մխչյան, Մրգավետ, Հովտաշեն, Դիմիտրով, Արաքսավան համայնքների, Երասխում՝ Երասխ, Զանգակատուն, Արմաշ, Սուրենավան, գյուղերի ներկայացուցիչների հետ: Նախատեսվում են նաև հանդիպումներ Ավշարում՝ Այգավան, Նոյակերտ, Եղեգնավան համայնքների բնակչության հետ: Օրվա ավարտին տեղի կունենա մարզխորհրդի նիստ, կքննարկվեն այցի արդյունքները:
