շաբաթ, 13 մարտի 2004
Այսօր ՀՀ կառավարության նիստերի դահլիճում տեղի է ունեցել ՀՀ ջրօգտագործողների ընկերությունների և ջրօգտագործողների ընկերությունների միությունների գործունեությունը կանոնակարգող խորհրդի ընդլայնված նիստ, որին մասնակցոել են խորհրդի անդամները` նախագահությամբ ՀՀ տարածքային կառավարման և ենթակառուցվածքների գործունեությունը համակարգող նախարար Հ. Աբրահամյանի: Նիստին ներկա են եղել ՀՀ մարզպետները, ՀՀ գյուղատնտեսության, բնապահպանության նախարարությունների ներկայացուցիչներ, մարզպետարանների գյուղվարչության պետեր, Ջրային տնտեսության զարգացման և բարեփոխումների, Գյուղատնտեսական ծառայությունների ծրագրերի մասնագետները, 48 ջրօգտագործողների ընկերությունների (ՋՕԸ) վարչական խորհրդի անդամները և գործադիր տնօրենները:
Ընդլայնված նիստը նվիրված էր 2003թ-ից գործող 18 ՋՕԸ-ների գործունեության և այդպիսի նոր ընկերությունների հիմնադրմանն առնչվող խնդիրներին, մասնավորապես` «Ոռոգում-Ջրառ» ՓԲԸ-ի և ՋՕԸ-ների միջև պայմանագրերի կնքում, ՋՕԸ-ների և ջրօգտագործողների միջև պայմանագրերի կնքում, ջրօգտագործման թույլտվությունների ձեռք բերում, անդամավճարների գանձում, 2003թ-ի գործունեության ընթացքում ձևավորված դեբիտորական պարտքերի հավաքագրում և կրեդիտորական պարտքերի մարում, վարձավճարների գանձման գործընթացում հայփոստի ծառայության ներդրում և կուտակիչ հաշվի կիրառում, հաշվառման համակարգի ներդրում, նոր հիմնադրված ՋՕԸ-ների կարգավիճակի ներկայացում, ոռոգման համակարգերը անհատույց օգտագործման իրավունքով ՋՕԸ-ներին հանձնելու գործընթաց, ինչպես նաև դատարան հայցադիմումների ներկայացման և կայացած վճիռների մասին տեղեկատվություն, 2004թ. ջրօգտագործողների ընկերությունների եկամուտների և ծախսերի նախահաշիվների ու գարնան նախապատրասական աշխատանքների ընթացքի ներկայացում:
